ملک میں منکی پاکس اور ایچ آئی وی سے متاثرہ ایک اور مریض جاں بحق

منکی پاکس اور ایچ آئی وی سے متاثرہ مریض کا انتقال

اسلام آباد(ڈیلی پاکستان آن لائن) منکی پاکس اور ایچ آئی وی سے متاثرہ ایک اور مریض جاں بحق ہوگیا۔

مریض کی حالت اور ہسپتال میں داخلگی

نجی ٹی وی چینل ایکسپریس نیوز کے مطابق حکام کا کہنا ہے کہ فیصل آباد کا رہائشی 53 سالہ مریض اسلام آباد کے پمز ہسپتال میں داخل تھا، جس کا انتقال ہفتے کے روز دوران علاج ہوا۔

دیگر طبی مسائل

حکام نے بتایا کہ مریض ایم پاکس اور ایچ آئی وی کے ساتھ ساتھ ہیپا ٹائٹس بی اور سی سے بھی متاثر تھا۔

پاکستان میں ایم پاکس کی صورتحال

حکام نے مزید بتایا کہ پاکستان میں اب تک ایم پاکس کے 2 مریض جاں بحق ہو چکے ہیں۔ ایم پاکس سے پاکستان میں پہلی ہلاکت دسمبر 2023 میں اسلام آباد میں ہوئی تھی۔

مقامی طور پر پھیلاؤ

حکام کے مطابق مریض کی کوئی ٹریول ہسٹری نہیں، اسے مرض مقامی طور پر لگا۔ پاکستان میں ایم پاکس پھیلنے کے واضح شواہد موجود ہیں اور گزشتہ سال پاکستان میں ایم پاکس کے 53 کیس سامنے آئے تھے۔