کینیڈا: برٹش کولمبیا میں سکول اور گھر میں فائرنگ، حملہ آور سمیت 10 افراد ہلاک

برٹش کولمبیا میں فائرنگ کا واقعہ

اوٹاوا(ڈیلی پاکستان آن لائن) کینیڈا کے صوبے برٹش کولمبیا میں فائرنگ کے افسوسناک واقعے میں 10 افراد ہلاک، جبکہ 27 زخمی ہوگئے۔ حملہ آور نے بھی مبینہ طور پر خودکشی کر لی۔

یہ بھی پڑھیں: شام میں حافظ الاسد کا مقبرہ جلا دیا گیا

خونریز واقعہ کی تفصیلات

پولیس کے مطابق یہ خونریز واقعہ ایک سیکنڈری سکول اور گھر میں پیش آیا۔ فائرنگ کے اس واقعے میں چھ افراد سکول کے اندر مردہ پائے گئے جبکہ ایک ہسپتال جاتے ہوئے دم توڑ گیا اور دو مزید افراد رہائش گاہ سے برآمد ہوئے۔

یہ بھی پڑھیں: تمام ڈویژنل سپورٹس افسران سے روزانہ کی بنیاد پر گیمز کی رپورٹس لی جارہی ہیں، خضرافضال چودھری

زخمیوں کی حالت

پولیس حکام کا کہنا ہے کہ مشتبہ فائرنگ کرنے والا شخص بھی سکول کے اندر خود ساختہ زخموں کی وجہ سے مردہ پایا گیا ہے۔ واقعے میں 25 سے زائد افراد زخمی ہوئے، جن میں سے دو کی حالت تشویشناک بتائی گئی ہے اور انہیں ایئر ایمبولینس کے ذریعے ہسپتال منتقل کیا گیا۔

یہ بھی پڑھیں: افغانستان میں قیامت خیز زلزلہ، ہلاکتیں 1400 سے متجاوز، مزید بڑھنے کا خدشہ

تحقیقات جاری

پولیس حکام نے حملے کے محرکات ابھی تک شناخت نہیں کئے ہیں اور تحقیقات جاری ہیں۔

مقامی آبادی کا ردعمل

حکام کے مطابق یہ واقعہ ایک چھوٹے قصبے کے لئے تباہ کن ہے جہاں آبادی محض چند ہزار افراد پر مشتمل ہے۔ میڈیا کے مطابق مقامی رہائشی اور حکام غم و صدمے میں ڈوبے ہوئے ہیں۔