سینئر سیاستدان اور سابق رکنِ پنجاب اسمبلی زعیم قادری انتقال کر گئے

زعیم قادری کا انتقال

لاہور (ڈیلی پاکستان آن لائن) سینئر سیاستدان اور سابق رکنِ پنجاب اسمبلی زعیم قادری انتقال کر گئے۔

یہ بھی پڑھیں: اگر اگلی بار پاکستان اور بھارت میں جنگ ہوئی تو ڈونلڈ ٹرمپ کے پاس مداخلت کرکے رکوانے کا وقت نہیں ہوگا، بلاول بھٹو

علاج اور انتقال کی تفصیلات

رپورٹس کے مطابق وہ گزشتہ 3 روز سے دل کے عارضے کے باعث نجی ہسپتال میں زیرِ علاج تھے، تاہم طبیعت زیادہ خراب ہونے کے باعث وہ جانبر نہ ہو سکے۔ اہلخانہ نے ان کے انتقال کی تصدیق کر دی۔

یہ بھی پڑھیں: 100 باتوں کی ایک بات، جو دبائے نہ دبے گی، نریندر مودی امریکہ کے آ گے سرینڈر ہو گیا ہے: راہول گاندھی

سیاسی حلقوں میں افسوس

ان کے انتقال کے باعث سیاسی حلقوں اور کارکنوں میں گہرے دکھ اور افسوس کی لہر دوڑ گئی۔ مرحوم کی نمازِ جنازہ آج شام نمازِ مغرب کے بعد لاہور میں لارنس روڈ کے علاقے میں ادا کی جائے گی۔

سیاست میں زعیم قادری کا کردار

یاد رہے کہ زعیم قادری کا شمار ملک کے متحرک اور واضح مؤقف رکھنے والے سیاستدانوں میں ہوتا تھا۔ وہ پاکستان مسلم لیگ ن سے وابستہ رہے اور پنجاب اسمبلی کے رکن کی حیثیت سے عوامی مسائل کو بھرپور انداز میں اجاگر کرتے رہے۔ ان کی گفتگو، سیاسی بصیرت اور عوامی رابطہ مہم نے انہیں عوام میں خاص مقام دلایا۔