غریب عوام کی ادویات کا پیسہ کرپشن کی مد میں کھانے نہیں دوں گی، کوشش ہے کسی کو بھی علاج کیلئے اپنے شہر سے دوسرے شہر نہ جانا پڑے، وزیراعلیٰ مریم نواز

وزیراعلیٰ کا ہیلتھ کانفرنس میں خطاب

لاہور (ڈیلی پاکستان آن لائن) وزیراعلیٰ پنجاب مریم نوازشریف نے ہیلتھ کانفرنس میں شرکاء سے خطاب کرتے ہوئے کہا کہ صحت کے شعبے کی ترقی کیلئے میری ٹیم بھرپور کام کر رہی ہے، 10ہزار 300 بچوں کے دل کا آپریشن کرنے سے انہیں نئی زندگی ملی، عوام کو معیاری علاج کی فراہمی یقینی بنا رہے ہیں۔

یہ بھی پڑھیں: پاکستان نیوی وار کالج کے 54ویں کانووکیشن کی تقریب کا لاہور میں انعقاد، نیول چیف کا خطاب

بچوں کے علاج کیلئے جدید ٹیکنالوجی

وزیراعلیٰ پنجاب مریم نواز کا کہنا تھا کہ بچوں کی پیچیدہ ہارٹ سرجریز کیلئے ماہر سرجنز کی خدمات حاصل کی ہیں، جدید آلات اور ٹیکنالوجی کے استعمال سے صحت میں انقلاب لایا جا سکتا ہے، ماضی میں ادویات موجود ہونے کے باوجود مریضوں کو نہیں دی جاتی تھیں۔ میری خواہش ہے کہ پنجاب کے ہر بچے اور بزرگ کو صحت مند دیکھا جائے، اور صحت کے شعبے میں شفافیت کی بہتر ضرورت ہے۔

یہ بھی پڑھیں: ستھرا پنجاب کے تحت کوڑا ٹیکس عائد، فی گھر کتنی رقم وصول کی جائیگی؟جانیے

غریب عوام کی صحت کا تحفظ

انہوں نے کہا کہ غریب عوام کی ادویات کا پیسہ کرپشن کی مد میں کھانے نہیں دوں گی۔ پنجاب میں شعبہ صحت کا بجٹ 630 ارب روپے ہے، بنیادی مراکز صحت میں بہتر سہولتوں کی فراہمی یقینی بنا رہے ہیں۔ میری کوشش ہے کہ کسی بھی مریض کو علاج کیلئے اپنے شہر سے دوسرے شہر نہ جانا پڑے، اور ضلعی اسپتالوں میں جدید طبی آلات فراہم کیے جا رہے ہیں۔

عوام کی زندگیوں میں آسانی لانے کیلئے اقدامات

وزیراعلیٰ مریم نواز کا کہنا تھا کہ عوام کی زندگیوں میں آسانی کیلئے سخت فیصلے لئے ہیں، ڈی ایچ کیوز میں بہتر سہولتوں کیلئے 100 ارب روپے خرچ کر رہے ہیں۔ میں سرکاری اسپتالوں کے خود دورے کر رہی ہوں، اور سی ایم انسپکشن ٹیم کسی بھی اسپتال کا ہنگامی دورہ کر کے صورتحال کا جائزہ لے سکتی ہے۔