میری پارٹی کی ناعاقبت اندیش قیادت اور عقل سے پیدل لوگوں کو کوئی سمجھائے کہ یہ وقت تمہاری سیاست کا نہیں، عمران خان کی صحت بچانے کا ہے، فیصل چودھری۔

پی ٹی آئی رہنما کی تشویش

اسلام آباد (ڈیلی پاکستان آن لائن) پی ٹی آئی رہنما فیصل چودھری کا کہنا ہے کہ انہیں خبر ملی ہے کہ پارٹی کی غیر سنجیدہ قیادت ایک بار پھر عمران خان کی صحت پر احتجاج کا ڈرامہ کرنے کی کوشش کرے گی۔

یہ بھی پڑھیں: امر خان کا دیوالی لُک صارفین کو ایک آنکھ نہ بھایا

قیادت پر درخواست

اپنے ایکس بیان میں انہوں نے کہا کہ ان عقل سے پیدل لوگوں کو کوئی سمجھائے کہ یہ وقت سیاست کا نہیں، بلکہ عمران خان کی صحت کو بچانے کا ہے۔ تم لوگوں نے جو تباہی مچانی تھی وہ مچ چُکے۔ اب انسان بنو اور عمران خان کو ہسپتال منتقل کرنے اور ان کے علاج کے لئے کوشش کرو۔ تم لوگ جتنے قابل ہو، ہم دیکھ چکے ہیں۔ بھاڑ میں جائے سب کچھ، اللہ پاک عمران خان کو صحت عطا فرمائے، سیاست پھر بھی ہوتی رہے گی۔

تویٹ کا حوالہ

سنتا ہوں کہ میری پارٹی کی نا عاقبت اندیش اور نکھٹو قیادت خان کی صحت کو لے کہ احتجاج کا ڈرامہ پھر سے لگانے کی کوشش کرے گی۔ ان عقل سے پیدل لوگوں کو کوئی سمجھائے کہ یہ وقت تمھاری سیاست کا نہیں خان کی صحت بچانے کا ہے۔ تم لوگوں نے جو تباہی اُٹھانی تھی وہ اُٹھا چُکے۔ اب انسان بنو اور…

— Faisal Hussain (@faisal_fareed) February 13, 2026