پاک بھارت میچ: 10 سیکنڈ کے اشتہار کی قیمت کتنی ہوگی؟
بھارتی-پاکستانی ٹاکرا اور اشتہارات کی شرح
لاہور (ویب ڈیسک) بھارت اور پاکستان کے ٹاکرے سے اشتہارات کی شرح 25 فیصد بڑھ جاتی ہیں جب کہ ورلڈ کپ گروپ مرحلے کے میچ کو ماہرین ’’کمرشل سپرنووا‘‘ قرار دے رہے ہیں۔
یہ بھی پڑھیں: ورلڈ اتھلیٹکس چیمپئن شپ، پاکستان اور بھارت آج آمنے سامنے ہوں گے، ارشد ندیم کی قوم سے دعاؤں کی اپیل
اشتہاری نرخوں میں اضافہ
نجی ٹی وی چینل 24 نیوز کے مطابق بھارتی میڈیا رپورٹ سے معلوم ہوتا ہے کہ ٹی 20 ورلڈ کپ کے لیے سٹینڈرڈ پریمیم سپٹاٹس کے ریٹ عام طور پر 20 لاکھ اور 25 لاکھ بھارتی روپے کے درمیان ہوتے ہیں، لیکن دو روایتی حریفوں کے درمیان دیرینہ دشمنی نے 10 سیکنڈ کے سلاٹ کی قیمت کو حیران کن 40 لاکھ تک پہنچا دیا ہے۔
یہ بھی پڑھیں: سانحہ آرمی پبلک اسکول پشاور کو 11 سال مکمل، زخم آج بھی تازہ
سونے اور چاندی کی قیمت
ان اعداد و شمار کو "سونے اور چاندی کی قیمت" کے برابر قرار دیا جا رہا ہے جب کہ آٹو Hyundai، Mahindra، FMCG، Amul، Britannia اور Fintech جیسے شعبوں کی کمپنیاں اشتہارات دینے کے لیے مد مقابل ہیں۔
یہ بھی پڑھیں: گردشی قرضہ ایک بارپھر بے قابو، رواں برس کتنے سو رب اضافے کا خطرہ ہے ؟ تہلکہ خیز رپورٹ
ٹورنامنٹ کی اشتہاری آمدنی
اندازے کے مطابق پورے ٹورنامنٹ میں 2 ہزار کروڑ تک کی اشتہاری آمدنی ہوسکتی ہے جس کا بڑا حصہ آج ہونے والے اس میچ سے حاصل ہوگا۔
یہ بھی پڑھیں: سوشل میڈیا سٹار عمر شاہ کے آخری لمحات کیسے تھے؟ چچا کا ویڈیو بیان وائرل
ڈیجیٹل پلیٹ فارمز پر اثرات
یہ اضافہ ڈیجیٹل پلیٹ فارمز پر بھی پر واضح ہے جس میں JioHotstar لائیو اسٹریم کے دوران 10 سیکنڈ کی جگہ کے لیے 15 لاکھ اور 20 لاکھ کے درمیان چارج کر رہا ہے۔
پی سی بی کا مؤقف اور عوامی جوش و خروش
پاکستان کرکٹ بورڈ (پی سی بی) کی جانب سے ایونٹ سے چند روز قبل اپنے بائیکاٹ کے مؤقف کو تبدیل کرنے کے فیصلے نے ڈیمانڈ کو بڑھایا جس سے سلاٹس کی کمی پیدا ہوئی۔
"انڈیا پاکستان میچ کا بخار ٹیلی ویژن سکرینوں سے آگے میزبان شہر کولمبو کی گلیوں تک پھیلا ہوا ہے۔"
