جسے کرکٹ کا پتہ نہیں وہ پی سی بی کا چیئرمین ہے، شعیب اختر

شعیب اختر کی مایوسی

لاہور(آئی این پی )سابق فاسٹ بالر شعیب اختر نے پاک بھارت میچ میں پاکستان کی کارکردگی پر شدید مایوسی کا اظہار کیا ہے۔ انہوں نے کہا کہ جسے کرکٹ کا پتہ نہیں وہ پاکستان کرکٹ بورڈ کا چیئرمین ہے، ایسے میں ٹیم کیسے جیتے گی۔

یہ بھی پڑھیں: رائیونڈ میں 30 روپے کی لڑائی پر 2 بھائیوں کے قتل کا ایک اور ملزم گرفتار

پاکستان کرکٹ بورڈ کی قیادت پر تنقید

بھارتی چینل پر ایک پروگرام میں گفتگو کرتے ہوئے شعیب اختر نے کہا کہ نالائق اور ناہل بندے کو بڑی ذمہ داری دینا سب سے بڑا جرم ہے۔ ایسا شخص ملک اور ادارے کو تباہ کرے گا، مثال آپ کے سامنے ہے۔

بھارت کی ٹیم کا موازنہ

انہوں نے مزید کہا کہ انڈیا کی ٹیم بہت آگے چلی گئی ہے، جبکہ ہم بہت پیچھے رہ گئے ہیں۔ شعیب اختر نے کہا کہ ایسے بندے کو سٹار بنایا گیا ہے جو 10 اوورز بھی نہیں کر سکتا، اگر ایسے لوگوں کو سٹار بنا گے تو یہی نتائج سامنے آئیں گے۔