وزیراعلیٰ کے پی کے کا عمران خان کی رہائی کے لیے فورس بنانے کا اعلان

وزیراعلیٰ خیبر پختونخوا کا اعلان

اسلام آباد(ڈیلی پاکستان آن لائن) وزیراعلیٰ خیبر پختونخوا سہیل آفریدی نے بانی چیئرمین پاکستان تحریک انصاف عمران خان کی رہائی کے لیے فورس بنانے کا اعلان کر دیا۔

یہ بھی پڑھیں: عورت کو کمزور سمجھ کر ظلم کا نشانہ بنانا بزدلی ہے، غیرت نہیں: عظمیٰ بخاری

میڈیا سے گفتگو

سپریم کورٹ کے باہر میڈیا سے گفتگو کرتے ہوئے سہیل آفریدی کا کہنا تھا کہ مجھے بانی کی طرف سے اسٹریٹ موومنٹ کی ذمہ داری دی گئی ہے، عدالتی احکامات ردی کی ٹوکری میں پھینکے جاتے ہیں، ذاتی معالجین تک رسائی نہیں دی جاتی۔

یہ بھی پڑھیں: بھارت نے دریائے ستلج میں مزید پانی چھوڑ دیا، ہریکے اور فیروز پور اونچے درجے کے سیلاب کا خطرہ

پی ٹی آئی رہائی فورس

ان کا کہنا تھا کہ میں بانی پی ٹی آئی رہائی فورس کا اعلان کرتا ہوں، اس فورس کی رجسٹریشن کریں گے، بانی رہائی فورس پرامن جدوجہد کرے گی۔ عید کے فوراً بعد 22 فروری کو پشاور میں ہم فورس ممبران سے حلف لیں گے، اس فورس کا چین آف کمانڈ ہوگا، عمران خان جس کو ذمہ داری دیں گے اس کو اس فورس کی کمانڈ دیں گے۔

یہ بھی پڑھیں: پنجاب بیدار ہوگیا، بااختیار بلدیاتی نظام کے مطالبے کی لہر پورے ملک میں پھیل جائے گی، حافظ نعیم الرحمان

جدوجہد کا مقصد

انہوں نے مزید کہا کہ پہلے تیاری کریں گے پھر لڑائی کریں گے، یہ لڑائی جمہوریت اور آئین کی بالادستی اور آزاد میڈیا کے لیے ہوگی۔

جواب انٹرویو میں

ایک سوال کے جواب میں سہیل آفریدی کا کہنا تھا کہ پی ٹی آئی میں جو مجھے ہٹانے کی خواہش رکھتے ہیں وہ جان لیں عزت و ذلت اللہ دیتا ہے، مجھے ہٹانے سے متعلق کس نے پیغام دیا یہ بانی پی ٹی آئی کی بہنوں سے پوچھ لیں۔