پنجاب کو منشیات سے پاک کرنا مریم نواز کا عزم و مشن ہے: عظمیٰ بخاری
پنجاب انسداد منشیات فورس کا دورہ
لاہور( ڈیلی پاکستان آن لائن ) وزیر اطلاعات و ثقافت پنجاب عظمٰی بخاری نے آج پنجاب انسداد منشیات فورس کے ہیڈکوارٹرز کا دورہ کیا، جہاں ڈی جی انسداد منشیات فورس بریگیڈیئر مظہر اقبال نے انہیں فورس کی کارکردگی اور منصوبہ بندی پر تفصیلی بریفنگ دی۔ اس موقع پر سیکرٹری انفارمیشن سید طاہر رضا ہمدانی اور سیکرٹری ایکسائز اینڈ نارکوٹکس مسعود مختار بھی موجود تھے۔
یہ بھی پڑھیں: پشاور ہائیکورٹ ؛ عمر ایوب کی 9جنوری تک راہداری ضمانت منظور
کارکردگی کی تعریف
وزیر اطلاعات و ثقافت پنجاب نے پنجاب انسداد منشیات فورس کی کارکردگی کو سراہتے ہوئے کہا کہ یونیورسٹیوں اور کالجز میں انسداد منشیات کے پروگرام منعقد کیے جائیں تاکہ طلباء کو منشیات کے خطرات سے آگاہ کیا جا سکے۔
یہ بھی پڑھیں: بھارتی مسافر بردار طیارے کی کراچی ائیرپورٹ پر ایمرجنسی لینڈنگ
سوشل میڈیا پر آگاہی
عظمٰی بخاری نے زور دیا کہ انسداد منشیات سے متعلق آگاہی مہم سوشل میڈیا پر بھی چلائی جائے، کیونکہ طلباء کو منشیات جیسی لعنت سے بچانا ہماری اجتماعی ذمہ داری ہے۔ پنجاب کو منشیات سے پاک کرنا مریم نواز کا مشن ہے اور اس مقصد کے لیے پنجاب انسداد منشیات فورس کا کردار قابل ستائش ہے۔
خصوصی شیلڈ کی پیشکش
میٹنگ کے اختتام پر ڈی جی مظہر اقبال نے وزیر اطلاعات و ثقافت پنجاب عظمٰی بخاری اور سیکرٹری اطلاعات سید طاہر رضا ہمدانی کو خصوصی شیلڈ پیش کی۔
