ٹک ٹاکر خاتون سے مبینہ اجتماعی زیادتی کے الزام میں مرکزی ملزم مولا بخش جکھرانی گرفتار

جیکب آباد میں ٹک ٹاکر خاتون کے ساتھ اجتماعی زیادتی کیس

جیکب آباد (ڈیلی پاکستان آن لائن) ٹک ٹاکر خاتون سارہ سے اجتماعی زیادتی کے مقدمے میں اہم پیش رفت سامنے آئی ہے۔ پولیس نے مرکزی ملزم مولا بخش جکھرانی کو گرفتار کر لیا ہے اور دیگر ملزمان کی گرفتاری کے لیے مختلف علاقوں میں پولیس کے چھاپے جاری ہیں۔

یہ بھی پڑھیں: عمران خان کی آنکھ کے جاری علاج کے تسلسل میں مزید معائنہ اور علاج ایک خصوصی طبی ادارے میں ماہرینِ امراضِ چشم کریں گے،عطا تارڑ

ملزم کی گرفتاری اور پولیس کارروائیاں

ایس ایس پی جیکب آباد محمد کلیم ملک کے مطابق، ٹک ٹاکر لڑکی سارہ سے اجتماعی زیادتی کیس میں ملوث مرکزی ملزم مولا بخش جکھرانی کو گرفتار کرلیا گیا ہے۔ دیگر ملزمان کی گرفتاری کے لیے مختلف علاقوں میں پولیس کے چھاپے جاری ہیں، اور انہیں جلد گرفتار کیا جائے گا۔ یہ واقعہ 6 دن قبل پیش آیا تھا، جب ملزم نے خاتون کو ٹک ٹاکر کے طور پر ویڈیوز بنانے کے بہانے گھر بلایا اور پھر اجتماعی زیادتی کا نشانہ بنایا۔

احتجاج اور سکیورٹی کی صورتحال

متاثرہ ٹک ٹاکر سارہ نے گزشتہ روز ملزمان کی عدم گرفتاری کے باعث احتجاج کرتے ہوئے خود سوزی کا اعلان کیا تھا، جس کے بعد پولیس نے کارروائی تیز کردی ہے۔