امریکہ و اسرائیل کے حملے میں 201 ایرانی مارے گئے

ایران میں حملوں کا افسوسناک نتیجہ

تہران (ڈیلی پاکستان آن لائن) ایران پر امریکہ اور اسرائیل کے مشترکہ حملوں کے نتیجے میں دو سو سے زائد افراد مارے جاچکے ہیں۔ ایرانی ہلال احمر کے حوالے سے بتایا گیا ہے کہ ملک کے 24 صوبوں میں مجموعی طور پر 201 افراد جان سے گئے جبکہ 747 زخمی ہوئے ہیں۔

میناب میں گرلز سکول پر حملہ

ایران کی سرکاری خبر رساں ایجنسی کے مطابق جنوبی ایران کے شہر میناب میں واقع ایک گرلز سکول پر حملے کے نتیجے میں 85 افراد مارے گئے۔ میناب کے پراسیکیوٹر کے حوالے سے بتایا گیا ہے کہ اس حملے میں بڑی تعداد میں طالبات اور دیگر افراد متاثر ہوئے، جس کے بعد ہلاکتوں کی مجموعی تعداد میں اضافہ ہوا ہے۔