ہولی امید کا پیغام ہے، وہ امید جو ہمیں بہتر مستقبل کی خبر دیتی ہے: وزیر اعلیٰ مریم نواز

مریم نواز کی ہولی تہوار پر مبارکباد

لاہور (ڈیلی پاکستان آن لائن) وزیراعلیٰ پنجاب مریم نواز نے پاکستان سمیت دنیا بھر میں موجود ہندو برادری کو ہولی تہوار کی مبارکباد دی ہے۔

یہ بھی پڑھیں: کراچی میں دالوں، چاول اور مصالحہ جات کی نئی سرکاری قیمتیں مقرر

ہولی کی اہمیت

ہندو برادری کے تہوار ہولی پر اپنے خصوصی پیغام میں وزیرِ اعلیٰ مریم نواز نے کہا کہ رنگوں کا تہوار ہولی بہار آمد کی علامت ہے۔ ہولی امید کا پیغام ہے، وہ امید جو ہمیں ایک بہتر مستقبل کی خبر دیتی ہے۔

اقلیتی برادری کو تعلیم، صحت، روزگار اور دیگر سہولتیں یکساں طور پر فراہم کی جا رہی ہیں۔ ہم ایسا پنجاب بنا رہے ہیں، جہاں ہر شہری خود کو محفوظ، با اختیار اور برابر کا پاکستانی محسوس کرے۔

اقلیتوں کی حمایت

وزیرِ اعلیٰ مریم نواز نے کہا کہ پنجاب حکومت اقلیتوں کے مذہبی اور ثقافتی تہواروں کو سرکاری سطح پر منانے کا بھی اہتمام کر رہی ہے۔ پنجاب میں بسنے والی ہندو برادری ہمارے معاشرے کا لازمی جزو ہیں۔

اقلیتی برادری کے مذہبی تہواروں کے لیے گرانٹ کی رقم 15 ہزار روپے کی ہے۔ مینارٹی کارڈ کے ذریعے مستحق اقلیتی خاندانوں کو 10,500 روپے کی مالی امداد دی جارہی ہے۔