ایرانی بیلسٹک میزائل مار گرایا: ترکیہ

ترکیہ کا مؤقف

استنبول (ڈیلی پاکستان آن لائن) ترکیہ نے کہا ہے کہ ایرانی بیلسٹک میزائل کو ملک کی حدود میں داخل ہونے سے پہلے مار گرایا گیا ہے۔

یہ بھی پڑھیں: وزارت اقتصادی امور کا ایکس اکاؤنٹ ریکور کرلیاگیا، ترجمان

میزائل کا ملبہ

ترک وزارت دفاع کے بیان کے مطابق مار گرایا جانے والا میزائل کا ملبہ بحیرہ روم کے قریب ترک قصبے میں گرا۔ میزائل کا ملبہ گرنے سے کوئی جانی نقصان نہیں ہوا۔ ترکیے اپنی سرزمین اور شہریوں کی سلامتی یقینی بنانے کی صلاحیت رکھتا ہے، ہمارے ملک کے خلاف کسی بھی حملے کا جواب دینے کا حق رکھتے ہیں۔

ایران سے رابطہ

’’جنگ‘‘ کے مطابق ترک وزیر خارجہ حاقان فیدان نے ایرانی ہم منصب عباس عراقچی سے ٹیلیفون پر رابطہ کیا ہے۔ ترک سفارتی ذرائع کا کہنا ہے کہ ترک وزیر خارجہ نے ایران کی جانب سے بیلسٹک میزائل حملے پر احتجاج ریکارڈ کروایا اور کہا کہ تنازع کو پھیلانے کے اقدامات سے گریز کیا جائے۔