پاکستان خطے میں سب سے زیادہ مہنگا پیٹرول فروخت کرنے والا ملک بن گیا

پاکستان میں پٹرول کی نئی قیمتیں

لاہور (ڈیلی پاکستان آن لائن) پاکستان خطے میں سب سے زیادہ پٹرول مہنگا کرنے والا ملک بن گیا ہے، جس سے مہنگائی کا نیا سیلاب آنے کا خدشہ پیدا ہو گیا ہے۔ شہریوں نے حکومت سے پٹرول میں فوری کمی کا مطالبہ کیا ہے۔ حکومت کی جانب سے پٹرولیم ذخائر موجود ہونے کے باوجود پٹرولیم مصنوعات کی قیمتوں میں اضافہ صرف پٹرول تک محدود نہیں رہے گا، بلکہ پٹرول مہنگا ہونے سے ضروریات زندگی کی قیمتوں میں بھی خود بخود اضافہ ہو جائے گا۔

یہ بھی پڑھیں: سندھ ہائیکورٹ نے اجرک نمبر پلیٹ کی تنصیب کے خلاف درخواست پر فیصلہ سنادیا

خطے میں قیمتوں کا موازنہ

پاکستان نے پٹرولیم مصنوعات کی قیمتوں میں بھارت، سری لنکا اور بنگلہ دیش کو پیچھے چھوڑ دیا ہے۔ اس وقت پاکستان میں پٹرول کی قیمت 321 روپے 17 پیسے فی لیٹر ہے، جبکہ بھارت میں ایک لیٹر پٹرول کی قیمت 94 روپے 77 پیسے ہے۔ سری لنکا میں ایک لیٹر پٹرول 293 روپے کا ہے اور بنگلہ دیش میں پٹرول کی قیمت پاکستان سے انتہائی کم ہے، یعنی ایک لیٹر پٹرول 116 ٹکا میں فروخت ہوتا ہے۔

نئے اضافہ کا اثر

پٹرولیم مصنوعات کی قیمتوں میں اضافہ ہوتے ہی گڈز ٹرانسپورٹرز نے کرایوں میں 20 فیصد اضافے کا اعلان کیا ہے، جس کے نتیجے میں اشیائے ضروریہ کی قیمتیں بھی بڑھ جائیں گی۔ جبکہ پبلک ٹرانسپورٹرز نے بھی کرایوں میں اضافہ کر دیا ہے، جس سے شہریوں کو خوشی و غمی کی تقریبات میں عزیز و اقارب سے ملنے میں دشواری ہو گی۔