وہ کرید کرید کر باتیں پوچھتے رہے اور میں حکم کی تعمیل کرتا رہا، قہقہہ لگایا اور کہنے لگے، شہزادوں کی طرح رہتے ہو اور ”Good“رپورٹ کے طالب ہو

مصنف کا تعارف

مصنف: ع۔غ۔ جانباز
قسط: 80

یہ بھی پڑھیں: وزیراعظم شہباز شریف میاں نواز شریف سے ملاقات کے لئے ایون فیلڈ پہنچ گئے

واقعے کی تمہید

یہ ساری تمہید اس لیے باندھی گئی ہے کہ یہ ایک اندوہناک واقعہ کا پیش خیمہ تھا۔ ہوا یوں کہ یہ میری "آفیسرشپ" کا پہلا سال چل رہا تھا۔

یہ بھی پڑھیں: قائداعظم کے پاکستان کو دولخت کرنے میں ”اپنوں“ کا سب سے زیادہ ہاتھ تھا، بھارت ہمارا ازلی دشمن ہے اس نے تو ہمیں نقصان پہنچانا ہی تھا

محکمانہ کارکردگی کا جائزہ

سال کے اختتام کے کچھ ماہ بعد ایک لیٹر "سیکرٹری ایریگیشن پنجاب" کی طرف سے مجھے موصول ہوا جس میں میری محکمانہ کارکردگی پر قدغن لگائی گئی تھی۔ جس میں سے ایک فقرہ اب بھی یاد ہے جو یوں تھا۔
"You are not zealous and observant"

یہ بھی پڑھیں: پیر کے روز ملک میں موسم کیسا رہے گا؟ تفصیلات جانیے

دوستانہ مشورے

سر پکڑ کر بیٹھ گئے۔ دوستوں سے مشورہ کیا۔ سب نے N.U. Khan سے رابطے کا کہا کیونکہ وہ ایک سینئر آفیسر تھے۔ انہوں نے خوب ڈرایا کہ اگر دوسری سالانہ رپورٹ بھی خراب ہوگئی تو نوکری گئی۔ وہ کرید کرید کر مجھ سے مختلف باتیں پوچھتے رہے اور میں اُن کے حکم کی تعمیل کرتا رہا۔

یہ بھی پڑھیں: ہارس اینڈ کیٹل شو دوبارہ شروع کرنے کا فیصلہ

حسن شاہد زیدی کی ملاقات

بات جب موروثی پور ریسٹ ہاؤس میں حسن شاہد زیدی کی آمد کی ہوئی اور فوراً روانگی کا پتہ چلا تو وہ رک گئے اور دائیں بائیں آگے پیچھے کی سب تفصیل پوچھنے لگے۔ جب میں ختم کرچکا تو انہوں نے ایک زور دار قہقہہ لگایا اور کہنے لگے لو جی بات بن گئی۔

یہ بھی پڑھیں: سونا 21400 روپے سستا، فی تولہ قیمت 507762روپے ہو گئی

زیدی صاحب کی مہربانی

میرے استفسار پر کہنے لگے۔ بھلے لوگ شہزادوں کی طرح رہتے ہو اور حسن شاہد زیدی سے ایک "Good" رپورٹ کے طالب ہو۔ وہ آگے بتاتے گئے…… لاہور کے خالص شہری لڑکے جن کے پاس دو دو تین تین بہترین سلے سلائے گرم سوٹ ہیں کبھی پہن کر دفتر نہیں آتے۔ شام کو دفتر سے گھر جا کر نہا دھو کر سوٹ پہن کر انار کلی اور مال روڈ پر چہل قدمی کرتے ہیں …… مجھے آگے سننے کی تاب نہ تھی……

یہ بھی پڑھیں: اسلام آباد کچہری حملے کے ملزمان گرفتار، منصوبہ بندی کس نے کی؟ وزیر اطلاعات عطاء تارڑ نے اہم تفصیلات شیئر کر دیں

غلطی کا اعتراف

میں نے اپنا ہاتھ بلند کرتے ہوئے پوچھا اس کا کوئی حل…… کہنے لگے زیدی صاحب کچھ بھی ہو ایک بھلے آدمی ہیں۔ اگر کوئی اُن کے سامنے اپنی غلطی کا اعتراف کرلے اور آئندہ کے لیے محتاط رہے تو درگزر کرنے والے ہیں۔ چنانچہ یہی راستہ اختیار کیا گیا۔

یہ بھی پڑھیں: پہلگام واقعے کے بعد بھارت نے اٹھائے گئے اقدامات سے پاکستان کو تحریری طور پر آگاہ کردیا

زیدی صاحب سے ملاقات کا نتیجہ

میں وہ لیٹر تھامے زیدی صاحب کے دفتر میں چلا گیا۔ سلام دعا کے بعد بیٹھ گیا اور بتایا کہ یہ لیٹر سیکرٹری ایریگیشن کی طرف سے آیا ہے۔ مناسب الفاظ ٹٹولتے ٹٹولتے میں نے اُن کے گوش گزار کردیا کہ نئی نئی شادی ہونے کی وجہ سے بعض دفعہ آدمی بیوی پر دھاک بٹھانے کے لیے شو بازی کر جاتا ہے ورنہ آپ دیکھیں گے کہ ہم تو دیہات کے رہنے والے نہایت سادہ اور امن پسند لوگ ہیں اور آپ دیکھیں گے کہ آئندہ آپ کو کوئی شکایت کا موقع نہیں دیں گے۔

یہ بھی پڑھیں: وفاقی وزیر داخلہ محسن نقوی ایک روزہ دورے پر تہران پہنچ گئے

ملاقات کے اثرات

انہوں نے سگریٹ (قینچی برانڈ) کا ایک زور دار کش لگایا اور کہنے لگے۔ "کوئی بات نہیں سروس میں کبھی ایسا بھی ہوجاتا ہے" اس اختتامی فقرے سے میری ڈھارس بندھ گئی اور میں اجازت لے کر باہر آگیا۔ اور پھر اگلے سال ایسا "محبت نامہ" سیکرٹری ایریگیشن کی طرف سے موصول نہ ہوا اور جان چھوٹ گئی۔

یہ بھی پڑھیں: پاک بھارت میچ: 10 سیکنڈ کے اشتہار کی قیمت کتنی ہوگی؟

سروے کی تکمیل

سمندری روڈ پر واقع "موروثی پور" ریسٹ ہاؤس سے گرد و نواح کا علاقہ سروے کرنے کے بعد آگے بڑھے اور ٹوبہ ٹیک سنگھ سے شروع کر کے شور کوٹ تک کا علاقہ ہماری دسترس میں تھا۔ یہ سویل سروے کوئی ایک سال میں مکمل ہوا۔

یہ بھی پڑھیں: منور فاروقی کے بیٹے میں کاوا ساکی بیماری کا انکشاف، یہ بچوں کو کس طرح متاثر کرتی ہے؟ وہ باتیں جو تمام والدین کو ضرور معلوم ہونی چاہئیں

خاندان کی ملاقات

اُن دنوں "شور کوٹ ائیر بیس" پر میرے چچا زاد بھائی "عبد الخالق" بھی تعینات تھے۔ اُن کے ہاں اکثر آنا جانا لگا رہتا۔ وہاں اُن کی بیگم "رشیداں" کے پکے لذیذ کھانوں سے لطف اندوز ہوتے رہے۔ اُن دنوں میری بیگم بھی فیلڈ میں میرے ساتھ ہی ہوتی تھی اور ہم نئی نئی شادی کی رنگینوں سے رنگے پھُولے نہ سماتے تھے۔

نوٹ

نوٹ: یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔