اپوزیشن اتحاد کا حکومت سے ایران جنگ میں فریق نہ بننے، بورڈ آف پیس چھوڑنے اور پیٹرول کی قیمت کم کرنے کا مطالبہ

اپوزیشن کا حکومت پر زور

اسلام آباد (ڈیلی پاکستان آن لائن) اپوزیشن اتحاد اور پی ٹی آئی کے رہنماؤں نے حکومت سے بورڈ آف پیس سے فوری نکلنے اور پیٹرولیم مصنوعات کی قیمتوں میں اضافے کو فوری طور پر واپس لینے کا مطالبہ کردیا۔

یہ بھی پڑھیں: غزہ، لبنان، شام، ایران یا یمن، اسرائیل بین الاقوامی قانون کی حدود سے باہر کام کر رہا ہے: عاصم افتخار

پریس کانفرنس کی تفصیلات

ایکسپریس نیوز کے مطابق اسلام آباد میں پی ٹی آئی رہنماؤں سلمان اکرم راجہ، بابر اعوان اور علامہ راجہ ناصر عباس نے پیر کے روز پریس کانفرنس کی۔

یہ بھی پڑھیں: حکومتی مجبوریاں اپنی جگہ لیکن عام آدمی جیئے گا کیسے؟ آئی ایم ایف کی شرائط کو پورا کرتے کرتے غریب مر جائے گا، سعد رفیق کا پیٹرولیم مصنوعات کی قیمتوں میں اضافے پر ردعمل

سلمان اکرم راجہ کی تنقید

پی ٹی آئی کے سیکریٹری جنرل سلمان اکرم راجہ نے کہا کہ اس وقت خلیجی ممالک میں غیر معمولی صورتحال کا سامنا ہے، خطے پر بربریت مسلط کر دی گئی ہے۔ عمان میں ہونے والی گفتگو نتیجے ہر پہنچنے والی تھی مگر صہیونی قوتوں نے سب تہس نہس کر دیا۔ وقت آ گیا ہے کہ پاکستان اپنا کردار ادا کرے کیونکہ ہم ایک ایٹمی قوت ہیں۔ بدقسمتی سے پاکستان میں اداروں اور عوام کو ایک دوسرے کے سامنے کھڑا کیا جا رہا ہے۔

یہ بھی پڑھیں: آبنائے ہرمز کھلوانے کے لیے امارات کثیرالقومی اتحاد کی کوشش کر رہا ہے، فنانشل ٹائمز

عوام کے مسائل اور سزائیں

پی ٹی آئی رہنما نے کہا کہ 55 روپے فی لیٹر پٹرول میں اضافہ عندیہ ہے کہ ہمارے ساتھ آگے کیا ہونے والا ہے۔ خطے میں کسی اور ملک میں اتنی قیمت نہیں بڑھی۔ اشرافیہ نے اس موقع کو غنیمت جانا اور اپنی شاہ خرچی کم کرنے کے بجائے بوجھ عوام پر ڈال دیا۔ ہمیں اس نظام کو بدلنا ہو گا، یہ وقت ہے جب ماضی پر نظر ڈالنے کی ضرورت ہے۔

یہ بھی پڑھیں: مدارس بل کا معاملہ: وفاق المدارس کا ملک گیر عوامی رابطہ مہم شروع کرنے کا فیصلہ

سینیٹر کا بیان

سینیٹ میں قائد حزب اختلاف سینیٹر علامہ راجہ ناصر عباس نے کہا کہ ڈونلڈ ٹرمپ نے دنیا کے تمام قوانین کو پاوں تلے روند دیا ہے۔ یہ حملہ صرف ایران پر نہیں بلکہ پوری امہ پر ہے۔ عرب ممالک میں جو اڈے بنے آج سب کے سامنے وجہ واضح ہو گئی ہیں۔

یہ بھی پڑھیں: پاکستان سے غزہ و لبنان کیلئے 13 ویں امدادی کھیپ روانہ

بابر اعوان کا مطالبہ

پی ٹی آئی رہنما بابر اعوان نے حکومت سے مطالبہ کیا کہ پاکستان بورڈ آف پیس میں شمولیت کو فوری معطل کر دے۔ انڈونیشیا نے بھی بورڈ آف پیس میں شمولیت کا فیصلہ روک دیا ہے۔ انہوں نے واضح کیا کہ پاکستان میں 47 لوگوں کو ان کی عدم موجودگی میں سزائیں سنائی گئیں، اور ایسے فیصلوں کی کوئی حیثیت نہیں۔

آگے کا راستہ

اب یہ وقت ہے کہ حکومت کو بھیجا جائے یا پھر شفاف الیکشن کروائے جائیں۔ ایسا کوئی فارمولا نہیں بنا کہ عمران خان کے بغیر معاملات ٹھیک ہو سکیں۔ فوری طور پر عمران خان کو رہا کر کے گفتگو کا آغاز کیا جائے۔ ہمیں دو اسلامی ممالک کی جنگ میں فریق نہیں بننا چاہیے۔