چین کے ایرواسپیس ڈیویلپمنٹ انڈسٹری انویسٹمنٹ گروپ نے پاکستان میں 5 سے 10 ارب ڈالر تک سرمایہ کاری میں دلچسپی ظاہر کردی

چین کی سرمایہ کاری کی دلچسپی

اسلام آباد(ڈیلی پاکستان آن لائن) چین کے ایرواسپیس ڈیویلپمنٹ انڈسٹری انویسٹمنٹ گروپ نے پاکستان میں 5 سے 10 ارب ڈالر تک سرمایہ کاری میں دلچسپی ظاہر کی ہے۔ چینی وفد نے وزیر سرمایہ کاری قیصر احمد شیخ سے ملاقات کی جس میں سرمایہ کاری کے امکانات پر تبادلہ خیال کیا گیا۔

یہ بھی پڑھیں: 15 سال کی تھی جب ٹرمپ نے زیادتی کی کوشش کی، نئی ایپسٹین فائلز میں امریکی صدر پر خاتون سے زیادتی کا الزام

سرمایہ کاری کے شعبے

چینی گروپ نے پاکستان میں 5 سے 10 ارب ڈالر تک سرمایہ کاری کی خواہش کا اظہار کیا۔ چینی وفد نے معدنیات، جدید ٹیکنالوجی اور صنعتی ترقی کے شعبوں میں سرمایہ کاری کے امکانات پر بات کی۔

سرمایہ کاری کی سہولیات

وزیر سرمایہ کاری قیصر احمد شیخ کا کہنا تھا کہ سرمایہ کاروں کی سہولت اور کاروبار میں آسانی کے لیے ریگولیٹری اصلاحات جاری ہیں، سرمایہ کاروں کو خصوصی اقتصادی زونز میں ٹیکس مراعات فراہم کی جارہی ہیں۔ قیصر احمد شیخ نے مزید کہا کہ سرمایہ کاروں کو مشینری کی درآمد پر سیلز ٹیکس استثنیٰ کی سہولت بھی دی جارہی ہے۔