چیئرمین سینیٹ کی ایران کے نئے سپریم لیڈر کو مبارکباد، باہمی تعلقات مزید مضبوط بنانے کے عزم کا اظہار

چیئرمین سینیٹ کی مبارکباد

اسلام آباد (ڈیلی پاکستان آن لائن) چیئرمین سینیٹ سید یوسف رضا گیلانی نے اسلامی جمہوریہ ایران کے نئے سپریم لیڈر، آیت اللہ مجتبیٰ خامنہ ای کو منصب سنبھالنے پر دلی مبارکباد اور نیک تمناؤں کا اظہار کیا ہے۔

یہ بھی پڑھیں: پاکستان میں تیار کردہ ٹیکنالوجی سے پنجاب میں مصنوعی بارش کیسے کی گئی؟

پاکستان ایران تعلقات کی مضبوطی

انہوں نے اپنے پیغام میں پاکستان اور ایران کے درمیان دیرینہ برادرانہ تعلقات کو مزید مضبوط بنانے کے عزم کا اعادہ کیا۔ پاکستان کی پارلیمنٹ، سینیٹ اور عوام کی جانب سے آیت اللہ مجتبیٰ خامنہ ای کو یہ اہم ذمہ داری سنبھالنے پر دلی مبارکباد پیش کرتے ہیں۔

یہ بھی پڑھیں: فنتہ الہندوستان کے خلاف سیکیورٹی فورسز کی بلوچستان میں بڑی کامیابی، 4 دہشتگرد جہنم واصل، کیا کچھ برآمد ہوا؟ جانیے۔

مذہبی اور ثقافتی رشتے

انہوں نے اس بات پر زور دیا کہ پاکستان اور ایران کے درمیان مذہبی، ثقافتی، تاریخی گہرے رشتے موجود ہیں، جو دونوں ممالک کے درمیان مختلف شعبوں میں تعاون کے فروغ کے لیے مضبوط بنیاد فراہم کرتے ہیں۔

علی خامنہ ای کی شہادت پر تعزیت

سید یوسف رضا گیلانی نے آیت اللہ علی خامنہ ای کی شہادت پر ایرانی قیادت اور عوام سے دلی تعزیت اور ہمدردی کا اظہار کیا۔ انہوں نے کہا کہ سینیٹ آف پاکستان اس غم کی گھڑی میں ایرانی قیادت اور عوام کے ساتھ کھڑاہے اور شہید رہنما کی خدمات کو خراج عقیدت پیش کرتا ہے۔