پیوٹن شاید یہ سوچ رہے ہیں کہ اگر امریکہ یوکرین کی مدد کر رہا ہے تو وہ ایران کی مدد کیوں نہ کریں؟ ڈونلڈ ٹرمپ کا روس کی جانب سے ایران کی مدد پر تبصرہ

ٹرمپ کی روس اور ایران کے تعلقات پر رائے

واشنگٹن(ڈیلی پاکستان آن لائن) امریکی صدر ڈونلڈ ٹرمپ نے کہا ہے کہ ان کے خیال میں روس، ایران کی "تھوڑی بہت" مدد کر رہا ہے۔ تاہم، انہوں نے اس عمل کو یوکرین کے لیے امریکی حمایت کے تناظر میں جائز قرار دیتے ہوئے ایک نئی بحث چھیڑ دی ہے۔

یہ بھی پڑھیں: نازک وقت میں سنجیدگی کا مظاہرہ کرنے کے بجائے بریفنگ سے غیر حاضر رہنا واضح ثبوت ہے کہ اپوزیشن کو ملک کی سلامتی سے زیادہ اپنی سیاسی دکان چمکانے کی فکر ہے،محسن رانجھا

فاکس نیوز ریڈیو کے ساتھ انٹرویو

فاکس نیوز ریڈیو کو دیے گئے ایک حالیہ انٹرویو میں جب صدر ٹرمپ سے پوچھا گیا کہ کیا ولادیمیر پیوٹن ایران کی حمایت کر رہے ہیں تو انہوں نے جواب دیا میرا خیال ہے کہ وہ شاید ان کی تھوڑی بہت مدد کر رہے ہوں گے۔

یہ بھی پڑھیں: نیب نے عدم ثبوت کی بنیاد پر سابق چیئرمین واپڈا لیفٹیننٹ جنرل ریٹائرڈ مزمل حسین کیخلاف انکوائری بند کردی

پیوٹن کی حکمت عملی

ٹرمپ نے روسی صدر کی سوچ کی وضاحت کرتے ہوئے کہا کہ پیوٹن شاید یہ سوچ رہے ہیں کہ اگر امریکہ یوکرین کی مدد کر رہا ہے، تو وہ ایران کی مدد کیوں نہ کریں؟

ڈونلڈ ٹرمپ کا نقطہ نظر

ڈونلڈ ٹرمپ نے اپنے مخصوص انداز میں کہا 'سچی بات تو یہ ہے کہ وہ بھی ایسا کر رہے ہیں اور ہم بھی۔ چین کا بھی یہی حال ہے، یہ ایسا ہی ہے کہ بھئی! وہ کر رہے ہیں تو ہم بھی کر رہے ہیں'۔