جو ردائے نور ہے مستقل۔۔یہی طاق راتوں کی شان ہے

جو ردائے نور ہے مستقل

جو ردائے نور ہے مستقل۔۔یہی طاق راتوں کی شان ہے
میرے زخمِ دل ہوئے مندمل یہی طاق راتوں کی شان ہے

یہ بھی پڑھیں: اب سڑک پہ روک کر آپ کا چالان نہیں کیا جائے گا، 5 دفعہ چالان ہوا تو 1 لاکھ جرمانہ ہوگا، گاڑی چلانے والوں کے خلاف پولیس نے کمر کس لی

تازگی و بندگی

یہ جو جسم و جاں میں ہے تازگی۔یہ جو خوب تر ہوئی بندگی
یہ جو روح اب نہیں مضمحل یہی طاق راتوں کی شان ہے

یہ بھی پڑھیں: 2025 کے سب سے زیادہ آمدن والے گالفرز کی فہرست جاری

رہِ آگہی

رہِ آگہی کے ہیں در کھلے۔۔لگے زنگ دل کے دھلے دھلے
لگیں رب سے رابطے متصل۔۔یہی طاق راتوں کی شان ہے

یہ بھی پڑھیں: 8 ہزار اکاؤنٹ بند کرو ورنہ تمہارا عملہ گرفتار کر لیں گے، بھارتی حکومت بیانیے کی جنگ ہارنے لگی، ایکس نے سر عام ایکسپوز کر دیا

بندھیں ہچکیاں

بندھیں ہچکیاں جو قیام میں۔۔جو رکوع رکے ہیں سلام میں
جو دعا ہے توبہ پہ مشتمل۔۔یہی طاق راتوں کی شان ہے

فضائے شب

ہو فضائے شب بھی خنک خنک۔۔۔کوئی چاپ سی ہو فلک فلک
نظر آئے موسمِ معتدل۔۔یہی طاق راتوں کی شان ہے

کلام: سیدہ صائمہ کامران