سلیمان اور قاسم خان کو اپنے والد سے ملنے کے لیے فوری طور پر ویزے جاری کیے جائیں، جمائما گولڈ سمتھ کی وزیر اعظم شہباز شریف سے اپیل

جمائما گولڈ سمتھ کی وزیراعظم سے اپیل

لندن (ڈیلی پاکستان آن لائن) سابق وزیراعظم عمران خان کی سابقہ اہلیہ، جمائما گولڈ سمتھ نے پاکستان کے وزیراعظم شہباز شریف سے انسانی بنیادوں پر براہ راست اپیل کی ہے کہ ان کے بیٹوں، سلیمان اور قاسم خان کو اپنے والد سے ملنے کے لیے فوری طور پر ویزے جاری کیے جائیں۔

یہ بھی پڑھیں: جسٹس طارق محمود جہانگیری کو الیکشن ٹریبونل اسلام آباد کی سربراہی سے ہٹا دیا گیا

ویزوں کی درخواست کا معاملہ

سوشل میڈیا پر جاری ایک بیان میں، جمائما گولڈ سمتھ نے کہا کہ ان کے بیٹوں نے جنوری میں دوبارہ ویزا کی درخواستیں جمع کرائی تھیں، لیکن 60 دن گزرنے کے باوجود تاحال کوئی پیش رفت نہیں ہوئی۔ انہوں نے نشاندہی کی کہ پاکستانی قونصل خانے کے مطابق آن لائن ویزا کا عمل عام طور پر 7 سے 10 ورکنگ دنوں میں مکمل ہو جاتا ہے، تاہم ان کے بیٹوں کے معاملے میں اس طے شدہ وقت کی سنگین خلاف ورزی کی جا رہی ہے۔

یہ بھی پڑھیں: پاکستان بھارت کو کب اور کیسے جواب دے گا؟

ملاقات کی اجازت کی ضرورت

جمائما نے وفاقی وزیر دفاع خواجہ آصف کی جانب سے بین الاقوامی میڈیا پر کیے گئے ان وعدوں کا حوالہ دیا جن میں کہا گیا تھا کہ عمران خان کے صاحبزادے پاکستان آ کر اپنے والد سے بحفاظت ملاقات کر سکتے ہیں۔

انہوں نے کہا کہ سلیمان اور قاسم نے 2022 میں عمران خان پر ہونے والے قاتلانہ حملے کے بعد سے اپنے والد کو نہیں دیکھا، اور بیٹوں کو اپنے والد سے فون پر بات کرنے یا خط و کتابت کی بھی اجازت نہیں دی جا رہی۔

یہ بھی پڑھیں: ایف آئی اے نے ویزہ فراڈ میں ملوث 2 انسانی سمگلرز گرفتار کر لیے

عمران خان کی صحت کا معاملہ

جمائما نے وزیراعظم شہباز شریف سے اپیل کی کہ عمران خان کی گرتی ہوئی صحت کی اطلاعات کے پیش نظر ملاقات کی اجازت فی الفور دی جائے۔ انہوں نے اس بات پر بھی حیرت کا اظہار کیا کہ جن بچوں سے وہ گزشتہ 4 سال سے نہیں مل سکے، ان کی ملاقات کی راہ میں ابھی تک رکاوٹیں حائل ہیں۔ یاد رہے کہ عمران خان اس وقت اڈیالہ جیل میں قید ہیں اور حالیہ دنوں میں ان کی صحت اور جیل مینوئل کے مطابق سہولیات کی فراہمی پر قانونی اور سیاسی بحث جاری ہے۔

جمائما کا ٹوئٹر بیان

My sons Sulaiman & @kasim_khan_1999 applied for visas in January (again… ) to allow them to visit their father @ImranKhanPTI in Pakistan. The Pakistan consulate states that online visa processing normally takes 7–10 working days. It has now been 60 days. This despite the public…

— Jemima Goldsmith (@Jemima_Khan) March 16, 2026