راس لفان توانائی کمپلیکس پر حملہ: قطر کی ایل این جی برآمدات میں 17 فیصد کمی، سالانہ 20 ارب ڈالر کا نقصان، قطری وزیر

قطر کی ایل این جی برآمدی صلاحیت میں کمی

دوحہ(ڈیلی پاکستان آن لائن) قطر کے وزیرِ توانائی کا کہنا ہے کہ راس لفان تنصیب پر حملے کے نتیجے میں قطر کی مائع قدرتی گیس (ایل این جی) کی برآمدی صلاحیت اگلے پانچ سالوں میں 17 فیصد کم ہو جائے گی، جس سے ملک کو سالانہ آمدنی میں 20 ارب ڈالر کا نقصان ہو گا۔

یہ بھی پڑھیں: سینیٹ میں 27ویں آئینی ترمیم 2 تہائی اکثریت سے منظور

حملوں کا اثر اور صنعتی پروسیسنگ

بی بی سی اردو کے مطابق صنعتی پروسیسنگ یونٹ ٹرین کا استعمال کرتے ہوئے قدرتی گیس کو بہت کم درجہ حرارت پر ٹھنڈا کر کے ایل این جی تیار کی جاتی ہے۔ قطری وزیر کا کہنا ہے کہ ایرانی حملوں سے پلانٹ کی 14 ٹرینوں میں سے دو کو نقصان پہنچا ہے۔

یہ بھی پڑھیں: سفارتکاری کو بھرپور موقع دینے کی ضرورت ہے، سفیر پاکستان

ایرانی جواب

ایران کے مطابق یہ راس لفان پر حملہ بدھ کو اس کے جنوبی پارس گیس فیلڈ پر اسرائیلی حملے کا جواب تھا۔

یہ بھی پڑھیں: پاکستان سے بھارتی حمایت یافتہ دہشت گردوں کا خاتمہ کر کے دم لیں گے: محسن نقوی

مرمت یا تعمیر نو

سنگاپور میں مقیم کلین فیول مارکیٹ انٹیلی جنس فراہم کرنے والی فرم ہائی سائٹ کے چیف کمرشل افسر سیاران رو بی بی سی کو بتاتے ہیں کہ پانچ سال کا عرصہ صرف مرمت کے لیے نہیں بلکہ یہ ’ایک مکمل تعمیر نو ہے۔‘

یہ بھی پڑھیں: جنوبی افریقا سے شکست پر پشاوری کھانا کھا کر دل کو تسلی دی: راشد خان

عالمی منڈی میں قطر کی حیثیت

ایشیائی ممالک خاص طور پر جاپان، جنوبی کوریا، انڈیا اور چین قطری ایل این جی پر سب سے زیادہ انحصار کرتے ہیں۔ اس کے علاوہ یورپ میں، اٹلی اور بیلجیم بھی اس کے بڑے بڑے گاہکوں میں شامل ہیں۔ یوکرین کی جنگ کے نتیجے میں روسی درآمدات سے منہ موڑنے کے بعد یورپ کا مشرق وسطیٰ کی گیس پر تیزی سے انحصار بڑھتا جا رہا ہے۔

قطر کا کردار

قطر قدرتی گیس کی عالمی منڈی کے سب سے بڑے کھلاڑیوں میں سے ایک ہے۔