2025 میں پاکستان دنیا کا سب سے زیادہ اسموگ زدہ ملک قرار

پاکستان: 2025 میں سب سے زیادہ اسموگ سے متاثرہ ملک

لاہور (ڈیلی پاکستان آن لائن) ایک نئی عالمی تحقیق کے مطابق پاکستان 2025 میں دنیا کا سب سے زیادہ اسموگ سے متاثرہ ملک قرار پایا ہے، جہاں خطرناک باریک ذرات پی ایم 2.5 کی مقدار عالمی ادارۂ صحت کی مقرر کردہ حد سے 13 گنا تک زیادہ ریکارڈ کی گئی۔

یہ بھی پڑھیں: میرا کسی قسم کا کوئی سیاسی مقصد نہیں، قائم مقام چیف جسٹس سردار سرفراز ڈوگر

آلودگی کی عالمی رپورٹ

رائٹرز کے مطابق سوئٹزرلینڈ کی فضائی معیار کی نگرانی کرنے والی کمپنی آئی کیو ایئر نے منگل کو جاری اپنی سالانہ رپورٹ میں بتایا کہ گزشتہ سال صرف 13 ممالک اور خطے ایسے تھے جہاں اوسط PM2.5 کی سطح ورلڈ ہیلتھ آرگنائزیشن کی مقررہ حد 5 مائیکروگرام فی مکعب میٹر سے کم رہی، جبکہ 2024 میں یہ تعداد 7 تھی۔

یہ بھی پڑھیں: وزیراعلیٰ مریم نواز کا بنوں اور دیگر علاقوں میں 8 دہشتگردوں کی ہلاکت پر سیکیورٹی فورسز کو خراج تحسین

عالمی صحت کے معیار میں ناکامی

رپورٹ کے مطابق دنیا کے 143 میں سے 130 ممالک اور خطے عالمی ادارۂ صحت کے معیار پر پورا نہ اتر سکے۔

یہ بھی پڑھیں: تین ملکی سیریز کے فائنل میں آج پاکستان اور افغانستان کی ٹیمیں آمنے سامنے ہوں گی

آلودہ ترین ممالک کی فہرست

آلودہ ترین ممالک کی فہرست میں بنگلہ دیش دوسرے اور تاجکستان تیسرے نمبر پر رہے۔ جبکہ چاڈ جو 2024 میں سب سے زیادہ آلودہ ملک تھا، 2025 میں چوتھے نمبر پر آگیا۔ ماہرین کے مطابق چاڈ میں پی ایم 2.5 کی کمی ممکنہ طور پر ڈیٹا کی کمی کے باعث ظاہر ہوئی۔

یہ بھی پڑھیں: شمالی وزیرستان میں سیکیورٹی فورسز کے کامیاب انٹیلی جنس آپریشن پروزیر اعلیٰ پنجاب کی مبارکباد

اہم معلومات کی کمی

رپورٹ کی مرکزی مصنفہ کرسٹی چیسٹر کے مطابق مارچ میں امریکہ نے بجٹ مسائل کے باعث سفارت خانوں اور قونصل خانوں سے جمع کیے جانے والے عالمی فضائی آلودگی کے ڈیٹا پروگرام کو بند کر دیا تھا، جس سے کئی ممالک کے لیے اہم معلومات دستیاب نہیں رہیں۔ اس ڈیٹا کی کمی کے باعث برونڈی، ترکمانستان اور ٹوگو کو 2025 کی رپورٹ میں شامل نہیں کیا جا سکا۔

یہ بھی پڑھیں: بھارت نے دفاع انٹیلی جنس ایجنسی کے ڈائریکٹر جنرل کو بھی عہدے سے ہٹا دیا کیونکہ ۔ ۔ ۔

دنیا کے سب سے زیادہ آلودہ شہر

شہروں کی درجہ بندی میں بھارت کا شہر لونی دنیا کا سب سے زیادہ آلودہ شہر قرار پایا جہاں PM2.5 کی اوسط سطح 112.5 مائیکروگرام رہی، جبکہ چین کے سنکیانگ علاقے کا شہر ہوٹن 109.6 مائیکروگرام کے ساتھ دوسرے نمبر پر رہا۔

یہ بھی پڑھیں: لاہور لٹن روڈ پر ریسٹورنٹ میں لوٹ مار کرنے والے تینوں ڈاکو مبینہ پولیس مقابلے میں ہلاک

آلودگی کی جغرافیائی تقسیم

دنیا کے سب سے زیادہ آلودہ 25 شہر بھارت، پاکستان اور چین میں واقع ہیں۔ رپورٹ کے مطابق 2025 میں دنیا کے صرف 14 فیصد شہر ہی عالمی ادارۂ صحت کے معیار پر پورا اتر سکے، جبکہ ایک سال قبل یہ شرح 17 فیصد تھی۔ کینیڈا میں لگنے والی جنگلاتی آگ نے امریکہ اور یورپ تک PM2.5 کی سطح بڑھانے میں کردار ادا کیا۔

یہ بھی پڑھیں: ہمیں اپنی ایئر فورس پر فخر ہے، جارحیت اور سیز فائر کی خلاف ورزی سے بھارت کا مکروہ چہرہ دنیا کے سامنے آیا: ڈی جی آئی ایس پی آر

بہتر فضائی معیار والے ممالک

جن ممالک میں فضائی آلودگی عالمی معیار کے مطابق رہی ان میں آسٹریلیا، آئس لینڈ، ایسٹونیا اور پاناما شامل ہیں۔

یہ بھی پڑھیں: میں اپنے بچے کے ڈائپر خود تبدیل کرتا ہوں: محب مرزا

کچھ ممالک میں بہتری

دوسری جانب لاؤس، کمبوڈیا اور انڈونیشیا میں گزشتہ سال کے مقابلے میں نمایاں کمی دیکھی گئی، جس کی بڑی وجہ لا نینا موسم کے باعث زیادہ بارشیں اور تیز ہوائیں قرار دی گئی ہیں۔

مجموعی حالیہ تبدیلیاں

رپورٹ کے مطابق مجموعی طور پر 75 ممالک میں PM2.5 کی سطح کم ہوئی جبکہ 54 ممالک میں آلودگی میں اضافہ ریکارڈ کیا گیا۔