مشرقِ وسطیٰ کی صورتحال، حساس معاملات پر غیر ذمہ دارانہ تبصروں سے گریز کیا جانا چاہیے: دفتر خارجہ

پاکستان کا موقف

اسلام آباد (ڈیلی پاکستان آن لائن) ترجمان دفتر خارجہ نے کہا ہے کہ مشرقِ وسطیٰ اور خلیجِ فارس کی موجودہ صورتحال کے حوالے سے مختلف قیاس آرائیاں اور افواہیں گردش کر رہی ہیں۔

یہ بھی پڑھیں: اسرائیل کا تازہ حملوں میں ایران کے 30 فوجی شہید کرنے کا دعویٰ

جعلی معلومات کا پھیلاؤ

ترجمان کے مطابق پاکستان سے متعلق بھی جعلی معلومات پھیلائی جا رہی ہیں جبکہ غیر مصدقہ خبریں نشر کی جا رہی ہیں، جن سے عوام میں بے چینی پیدا ہو سکتی ہے۔

یہ بھی پڑھیں: خوشحال خان خٹک ایکسپریس کو بحالی کے پہلے ہی روز حادثہ پیش آگیا

سفارتی رازداری کی اہمیت

سفارتکاری اور مذاکرات کے عمل میں رازداری اور صوابدید انتہائی اہمیت رکھتی ہے، اس لیے حساس معاملات پر غیر ذمہ دارانہ تبصروں سے گریز کیا جانا چاہیے۔

عوام اور میڈیا کے لیے درخواست

ترجمان دفتر خارجہ نے عوام اور میڈیا سے اپیل کی کہ قیاس آرائیوں سے بچیں اور مستند معلومات کے لیے سرکاری اعلانات کا انتظار کریں۔