ایران نے جنگ بندی کے لیے امریکی تجاویز مسترد کردیں

ایران نے امریکی تجاویز مسترد کیں

تہران (مانیٹرنگ ڈیسک) ایران نے جنگ بندی کیلئے امریکی تجاویز مسترد کردیں۔

یہ بھی پڑھیں: ایرانی سپریم لیڈر کا سنگ دلانہ قتل عالمی قوانین کی کھلی خلاف ورزی ہے، روسی صدر پیوٹن

ایرانی حکام کی رائے

تفصیلات کے مطابق ایرانی حکام کے مطابق ایران نے امریکی تجاویز کا جائزہ لیا اور انہیں غیرمناسب پایا۔ ایرانی حکام کا کہنا ہے کہ ایران صدر ٹرمپ کو اجازت نہیں دے سکتا کہ وہ جنگ کے خاتمے کا وقت تعین کریں اور ایران نے علاقائی ثالث کے ذریعے پیغام دیا ہے کہ وہ اپنا دفاع جاری رکھے گا۔

یہ بھی پڑھیں: محرم الحرام کا چاند کب نظر آئے گا؟ سپارکو نے پیش گوئی کردی

جنگ کے خاتمے کی شرائط

ایران حکام نے بتایاکہ جنگ کے خاتمے کی پہلی شرط حملوں کا رُکنا اور ایرانی عہدیداروں کے قتل کا خاتمہ ہے اور ایران کی دفاعی کارروائیاں ایرانی شرائط پوری ہونے تک جاری رہیں گی۔ جنگ بندی کا فیصلہ صرف ایران کی شرائط پر ہوگا، ایران جنگ کے دوبارہ آغاز کو روکنے کے ٹھوس اور ضمانت شدہ اقدامات کا مطالبہ کرتا ہے، ایران میں جنگ کے نقصانات کا تعین اور ادائیگی کی ضمانت دی جائے۔

یہ بھی پڑھیں: انگلینڈ کے خلاف پاکستان کی مضبوط پوزیشن: ‘یہ سعود شکیل کی بہترین سنچری ہے’

ایرانی حکام کی اضافی درخواستیں

’’جیو نیوز‘‘ کے مطابق ایرانی حکام کا کہنا ہے کہ ایران پر جاری جنگ اور خطے میں دیگر مزاحمتی گروپوں کے خلاف جنگ روکی جائے اور آبنائے ہرمز پر ایران کی خودمختاری کو تسلیم کرنے کا مطالبہ کرتے ہیں۔

یہ بھی پڑھیں: وزیراعظم کا جنوبی افریقہ اور قومی ٹیم کے اعزاز میں پُرتکلف عشائیہ

امریکی تجاویز کی تفصیلات

خیال رہے کہ جنگ بندی کیلئے ایران کو امریکہ کی 15 نکاتی تجاویز پہنچائی گئی ہیں، امریکا کی 15 نکاتی تجاویز میں ایران پر پابندیوں میں نرمی بھی شامل ہے۔

جوہری اور میزائل پروگرام

خبرایجنسی کے مطابق پاکستانی عہدیدار نے بتایا کہ ایران کے جوہری پروگرام اور میزائل پروگرام کا خاتمہ بھی امریکی تجاویز میں شامل ہے، اس کے علاوہ آبنائے ہرمز کو کھولنا بھی امریکی تجاویز میں شامل ہے۔انٹرنیشنل اٹامک انرجی ایجنسی (آئی اے ای اے)کی طرف سے ایران کی نگرانی بھی مجوزہ منصوبے میں شامل ہے، ایران اور امریکہ کے درمیان سویلین جوہری تعاون بھی تجاویز میں شامل ہے۔