وزیراعظم اور امیر قطر کے درمیان ٹیلیفونک رابطہ، شیخ تمیم بن حمد الثانی نے مشرق وسطیٰ میں قیام امن کے لیے پاکستان کی مخلصانہ کاوشوں کو سراہا

ٹیلیفونک رابطہ

اسلام آباد (ڈیلی پاکستان آن لائن) وزیراعظم اور امیر قطر کے درمیان ٹیلیفونک رابطہ ہوا ، جس میں شیخ تمیم بن حمد الثانی نے مشرق وسطیٰ میں امن کے قیام کے لئے پاکستان کی مخلصانہ کاوشوں کو سراہا۔

یہ بھی پڑھیں: وزیراعلیٰ بہار کی جانب سے نقاب کھینچنے پر مسلم خاتون ڈاکٹر نے سرکاری ملازمت جوائن نہ کرنے کا فیصلہ

خوشگوار گفتگو

دونوں رہنماؤں نے گرمجوشی کے ساتھ خوشگوار انداز میں گفتگو کی اور شہباز شریف نے امیر قطر و عوام کو عید الفطر کی مبارک باد دی جبکہ امیر قطر نے بھی عید کی مبارک باد اور نیک خواہشات کا اظہار کیا۔

یہ بھی پڑھیں: صدر زرداری نے جنرل کوریلا کو نشان امتیاز ملٹری سے نواز دیا

خطے کی صورت حال

وزیراعظم نے خطے میں جاری جنگ پر شدید تشویش کا اظہار کرتے ہوئے قطر اور دیگر برادر خلیجی ممالک کے خلاف حملوں کی شدید مذمت کا اعادہ کیا۔ انہوں نے ان حملوں میں قیمتی جانوں کے ضیاع پر گہرے دکھ کا اظہار کیا اور زخمیوں کے لئے دعا کی۔

یہ بھی پڑھیں: عالمی برادری پاک بھارت کشیدگی کم کروانے کیلئے میدان میں آ گئی

پاکستان کی حمایت

وزیراعظم نے شیخ تمیم بن حمد الثانی اور قطر کے برادر عوام کو اس مشکل وقت میں پاکستان کی مکمل یکجہتی اور حمایت کا یقین دلایا۔ موجودہ صورت حال کے تناظر میں قطر کے غیر معمولی تحمل کو سراہتے ہوئے وزیراعظم نے پاکستان کی سفارتی رسائی اور امن کی کوششوں سے امیر قطر کو آگاہ کیا۔