وزیراعظم اور امیر قطر کے درمیان ٹیلیفونک رابطہ، شیخ تمیم بن حمد الثانی نے مشرق وسطیٰ میں قیام امن کے لیے پاکستان کی مخلصانہ کاوشوں کو سراہا

ٹیلیفونک رابطہ

اسلام آباد (ڈیلی پاکستان آن لائن) وزیراعظم اور امیر قطر کے درمیان ٹیلیفونک رابطہ ہوا ، جس میں شیخ تمیم بن حمد الثانی نے مشرق وسطیٰ میں امن کے قیام کے لئے پاکستان کی مخلصانہ کاوشوں کو سراہا۔

یہ بھی پڑھیں: دو دہشتگرد سوات میں سفارتکاروں کے قافلے پر حملے میں مارے گئے

خوشگوار گفتگو

دونوں رہنماؤں نے گرمجوشی کے ساتھ خوشگوار انداز میں گفتگو کی اور شہباز شریف نے امیر قطر و عوام کو عید الفطر کی مبارک باد دی جبکہ امیر قطر نے بھی عید کی مبارک باد اور نیک خواہشات کا اظہار کیا۔

یہ بھی پڑھیں: آئی ایم ایف نے پاکستان کے پبلک فنانشل مینجمنٹ سسٹم میں 9 خامیوں کی نشاندہی کر دی

خطے کی صورت حال

وزیراعظم نے خطے میں جاری جنگ پر شدید تشویش کا اظہار کرتے ہوئے قطر اور دیگر برادر خلیجی ممالک کے خلاف حملوں کی شدید مذمت کا اعادہ کیا۔ انہوں نے ان حملوں میں قیمتی جانوں کے ضیاع پر گہرے دکھ کا اظہار کیا اور زخمیوں کے لئے دعا کی۔

یہ بھی پڑھیں: کیا ایران ایٹمی ہتھیار بنا رہا تھا۔۔۔؟ آئی اے ای اے کے سربراہ کا اہم بیان آ گیا

پاکستان کی حمایت

وزیراعظم نے شیخ تمیم بن حمد الثانی اور قطر کے برادر عوام کو اس مشکل وقت میں پاکستان کی مکمل یکجہتی اور حمایت کا یقین دلایا۔ موجودہ صورت حال کے تناظر میں قطر کے غیر معمولی تحمل کو سراہتے ہوئے وزیراعظم نے پاکستان کی سفارتی رسائی اور امن کی کوششوں سے امیر قطر کو آگاہ کیا۔

یہ بھی پڑھیں: مقتولین کے درمیان کوئی ازدواجی رشتہ نہیں تھا، خاتون کے 5 بچے ہیں؛ وزیراعلیٰ بلوچستان

کشیدگی کم کرنے کی کوششیں

وزیراعظم نے کہا کہ پاکستان نے مسلسل تمام فریقوں سے کشیدگی کم کرنے اور بات چیت اور سفارت کاری کے ذریعے اپنے اختلافات کو حل کرنے پر زور دیا ہے۔

آنے والے دنوں میں تعاون

امیر قطر نے علاقائی امن کے لیے پاکستان کی مخلصانہ سفارتی کوششوں کو سراہا۔ دونوں رہنماؤں نے آنے والے دنوں میں قریبی رابطے جاری رکھنے پر اتفاق بھی کیا۔