میٹرک کے سالانہ امتحانات کل سے شروع، لاہور میں 14 سنٹرز حساس قرار

لاہور میں میٹرک امتحانات کا آغاز

لاہور(ڈیلی پاکستان آن لائن) لاہور میں میٹرک کے سالانہ امتحان کا آغاز کل (27 مارچ) سے ہوگا۔ امتحانات کے دوران 14 امتحانی سنٹرز کو حساس قرار دیا گیا ہے۔

یہ بھی پڑھیں: مون سون بارشوں کے نتیجے میں برساتی نالے سے صدیوں پرانی نوادرات نکل آئیں

حساس امتحانی سنٹرز

نجی ٹی وی چینل دنیا نیوز کے مطابق ذرائع کا کہنا ہے کہ جن سنٹرز کو حساس قرار دیا گیا ہے ان میں گورنمنٹ این ڈی اسلامیہ ہائی سکول اچھرہ، گورنمنٹ ہائی سکول برکی، گورنمنٹ سائنس کالج برکی، گورنمنٹ ہائی سکول اطوکی اعوان، گورنمنٹ ہائی سکول جلوموڑ، چوہنگ، مراکہ کوارٹر اور شیرشاہ کالونی شامل ہیں۔

ذرائع کا کہنا ہے کہ قصور کے 4، شیخوپورہ کے 7 جبکہ ننکانہ صاحب کا بھی ایک سنٹر حساس قرار دیا گیا ہے۔

یہ بھی پڑھیں: شہباز شریف چینی کی برآمد کے خلاف تھے، محمد مالک کا دعویٰ

امتحانات کی تفصیلات

میٹرک امتحانات کا آغاز 27 مارچ سے ہوگا، جس میں پہلا پرچہ عربی، کمرشل جغرافیہ اور تاریخ کا لیا جائے گا۔ میٹرک کے امتحانات میں تقریباً 2 لاکھ 50 ہزار امیدوار شرکت کریں گے جبکہ 880 امتحانی مراکز تشکیل دیئے گئے ہیں۔

یہ بھی پڑھیں: کراچی کی بولٹن مارکیٹ کے گودام میں لگنے والی آگ پر قابو پا لیا گیا

سیکیورٹی اقدامات

26 مراکز کی نگرانی سی سی ٹی وی کیمروں کے ذریعے کی جائے گی ، تمام سنٹرز میں دفعہ 144 نافذ ہوگی اور کسی بھی غیر متعلقہ شخص کو داخلے کی اجازت نہیں ہوگی۔ امیدواروں کو صرف شناخت کے بعد امتحانی سنٹرز میں داخلے کی اجازت دی جائے گی۔