اے پی این ایس کی نئی قیادت اخباری صنعت کو جدید تقاضوں سے ہم آہنگ کرنے کی صلاحیت رکھتی ہے: چیئرمین سینیٹ

چیئرمین سینیٹ کی مبارکباد

اسلام آباد (ڈیلی پاکستان آن لائن) چیئرمین سینیٹ سید یوسف رضا گیلانی نے آل پاکستان نیوز پیپرز سوسائٹی کے انتخابات میں کامیاب ہونے والے عہدیداران کو مبارکباد پیش کی ہے۔

یہ بھی پڑھیں: دانستہ طور پر ممنوعہ ادویات کا استعمال نہیں کیا بلکہ پاکستان میں عام پائے جانے والے “جم کلچر” کا شکار بنا، ارسلان ایش کی وضاحت

نئے عہدیداران کی تفصیلات

سینیٹ سیکرٹریٹ سے جاری بیان کے مطابق چیئرمین سید یوسف رضا گیلانی نے سینیٹر سرمد علی کے بطور صدر، ناز آفرین سہگل لاکھانی کے بطور سینئر نائب صدر، شہاب زبیری کے بطور نائب صدر، محمد اطہر قاضی کے بطور سیکرٹری جنرل، محسن بلال کے بطور جوائنٹ سیکرٹری اور نوید کاشف کے بطور فنانس سیکرٹری منتخب ہونے پر نیک خواہشات کا اظہار کیا۔

یہ بھی پڑھیں: لاہور ائیرپورٹ پر 6 ماہ میں 8 ہزار مسافروں کو آف لوڈ کیا گیا، ڈائریکٹر ایف آئی اے

اخباری صنعت کے لئے نیک خواہشات

چیئرمین سینیٹ نے کہا کہ آل پاکستان نیوز پیپرز سوسائٹی کی نئی قیادت پر اراکین کا اعتماد اس امر کی عکاسی ہے کہ وہ اخباری صنعت کو جدید تقاضوں سے ہم آہنگ کرنے کی صلاحیت رکھتی ہے۔

آنے والے چیلنجز کا سامنا

انہوں نے اس امید کا اظہار کیا کہ نو منتخب ٹیم اخباری صنعت کو درپیش معاشی اور پیشہ ورانہ چیلنجز سے نمٹنے کے لیے جامع حکمت عملی اپنائے گی۔ سید یوسف رضا گیلانی نے کہا کہ ذمہ دار اور باخبر میڈیا نہ صرف جمہوری اقدار کے فروغ کا ذریعہ بنتا ہے بلکہ قومی مکالمے کو مضبوط بنانے میں بھی اہم کردار ادا کرتا ہے۔ پارلیمان آزادی صحافت کے تحفظ اور میڈیا کے ادارہ جاتی استحکام کے لیے اپنی حمایت جاری رکھے گی۔