بلوچستان کے مختلف علاقوں میں طوفانی بارش اور ژالہ باری، 5 افراد جاں بحق، پھلوں کے باغات کو نقصان
طوفانی بارش اور ژالہ باری کا اثر
کوئٹہ (ڈیلی پاکستان آن لائن) بلوچستان کے مختلف علاقوں میں طوفانی بارش اور ژالہ باری نے پھلوں کے باغات کو نقصان پہنچایا۔
یہ بھی پڑھیں: بھارت سے آیا بندر انتظامیہ کے لیے چیلنج بن گیا، علاقے ڈونگہ بونگہ میں ہلچل مچ گئی
موسلادھار بارش کی صورتحال
’’جیو نیوز‘‘ کے مطابق، کوئٹہ میں تیز ہوا کے ساتھ موسلادھار بارش نے جل تھل ایک کردیا جبکہ چمن، قلعہ عبداللہ اور زیارت سمیت بلوچستان کے شمالی علاقوں میں طوفانی بارش اور ژالہ باری ریکارڈ کی گئی۔ بارش کی وجہ سے سیب، خوبانی، چیری، بادام، انجیر، آلوچے اور انار کے باغات کو نقصان اٹھانا پڑا۔
یہ بھی پڑھیں: اسلام آباد ہائی کورٹ نے سائلین کے لیے آن لائن شکایتی نظام متعارف کرادیا
سیلابی صورتحال
اس کے علاوہ ہرنائی، چمن، قلات، سوراب اور دیگر علاقوں میں سیلابی صورتحال پیدا ہوگئی ہے، جس کی وجہ سے رابطہ سڑکیں بند ہوگئیں اور گاڑیاں سیلابی ریلوں میں بہہ گئیں۔
یہ بھی پڑھیں: کیتھولک مسیحی برادری کے روحانی پیشوا پوپ لیو کا اسرائیلی صدر سے ٹیلیفونک رابطہ
ریسکیو کی کاروائیاں
ادھر تحصیل گلستان میں مسافر وین اور ٹرک پانی میں بہہ گیا، جس پر 12 افراد کو ریسکیو کرلیا گیا۔ ہرنائی میں ریلے میں پھنسی گاڑی میں سوار افراد نے چھلانگ لگا کر جان بچائی، جبکہ 6 ٹرک بھی سیلابی ندی میں پھنس گئے۔
یہ بھی پڑھیں: اب تک جنوبی پنجاب سے پی ٹی آئی کے کتنے کارکنان گرفتار ہو گئے؟ تفصیلات سامنے آگئیں
جانی نقصان
بولان اور باجوڑ میں آسمانی بجلی گرنے اور مکان کی چھت گرنے کے نتیجے میں خواتین اور بچوں سمیت 5 افراد جاں بحق ہوگئے۔
دیگر علاقوں کی بارش
دوسری جانب خیبر پختونخوا کے مختلف علاقوں میں بھی بارش ریکارڈ کی گئی۔
