پاکستان نے متحدہ عرب امارات کا قرض واپس کرنے کا فیصلہ کرلیا، نجی نیوز چینل کا دعویٰ
پاکستان کا قرض واپسی کا فیصلہ
اسلام آباد (ڈیلی پاکستان آن لائن) پاکستان نے متحدہ عرب امارات کا قرض واپس کرنے کا فیصلہ کر لیا ہے۔ جیو نیوز کے مطابق پاکستان 2 ارب ڈالر اسی مہینے کے آخر میں ابوظہبی کو واپس کرے گا۔ یہ رقم پاکستان کے اکاؤنٹ میں سیف ڈپازٹ کے طور پر موجود تھی۔
سود کی تفصیلات
ذرائع وزارت خزانہ نے بتایا کہ پاکستان اس رقم پر 6 فیصد کی شرح سے سود ادا کر رہا تھا۔ یو اے ای اس رقم کو پہلے سالانہ بنیاد پر رول اوور کر رہا تھا۔ دسمبر 2025 میں یہ رقم ایک مہینے کے لیے اور پھر دو مہینے کے لیے رول اوور کی گئی۔
یو اے ای کا مطالبہ
موجودہ بین الاقوامی صورتحال کے پیش نظر یو اے ای نے رقم کی فوری واپسی کا مطالبہ کیا تھا۔
