جب سے شادی ہوئی ہے میں مریم نواز کو وزیر اعظم ہی دیکھ رہا ہوں، اللہ نے اس کو مردوں سے زیادہ جرأت دی ہوئی ہے، شوہر کیپٹن(ر) صفدر

مریم نواز کی قیادت کی تعریف

اسلام آباد(ڈیلی پاکستان آن لائن) وزیر اعلیٰ پنجاب مریم نواز کے شوہر اور مسلم لیگ ن کے رہنما کیپٹن ریٹائرڈ صفدر نے کہا ہے کہ میں تو مریم نواز کو 2018 سے وزیر اعظم دیکھ رہا ہوں۔ بلکہ جب سے شادی ہوئی ہے، میں تو اس کو وزیر اعظم ہی دیکھ رہا ہوں۔

یہ بھی پڑھیں: 1 مئی مقدمات؛انسداد دہشتگردی عدالت نے شاہ محمود قریشی سمیت 3پی ٹی آئی رہنماؤں کی درخواست ضمانت پر محفوظ فیصلہ سنا دیا

قابل قیادت کا سوال

مجھے بتائیں کہ آپ کے پاس مریم نواز سے زیادہ قابل کوئی لیڈر ہے؟ ان کا کہنا تھا کہ اللہ نے اس کو مردوں سے زیادہ جرات دی ہوئی ہے اور اس کی قوت ارادی مردوں سے زیادہ ہے۔ وہ جمہوریت، آئین اور قانون کی بالا دستی کے لیے مردوں سے زیادہ جنگ کر رہی ہے۔

تربیت اور تجربہ

کیپٹن صفدر نے مزید کہا کہ اس سے اچھا لیڈر اور کون ہوسکتا ہے جس کی چالیس سال سے باپ تربیت کر رہا ہے، جس نے ہر دور دیکھا ہو۔ آپ کو اللہ نے مادر ملت کی ٹرین شدہ خواتین ونگ میں سے ایک لیڈر دے دیا ہے۔