آپریشن ” غضب للحق” میں اب تک کتنے فتنہ الخوارج اور افغان طالبان مارے گئے ۔۔؟ وزیراطلاعات عطا ءتارڑ نے تفصیلات جاری کر دیں

وفاقی وزیراطلاعات کا بیان

اسلام آباد (ڈیلی پاکستان آن لائن) وفاقی وزیراطلاعات عطا ءتارڑ نے آپریشن ’’غضب للحق‘‘ کی تازہ ترین تفصیلات جاری کردیں۔

یہ بھی پڑھیں: اوپیک پلس ممالک کا تیل کی پیداوار میں معمولی اضافہ کرنے پر اتفاق

آپریشن کے نتائج

عطاء تارڑ کے مطابق آپریشن ’’غضب للحق‘‘ میں اب تک 796 فتنہ الخوارج اور افغان طالبان مارے گئے اور 1043 زخمی ہوئے۔ پاکستان نے افغان طالبان رجیم کی 286 چوکیوں کو تباہ کیا اور 44 پر قبضہ کرلیا، متعدد ٹینک، بکتر بند گاڑیاں، توپیں اور ڈرون تباہ کیے گئے۔

یہ بھی پڑھیں: جی ایچ کیو گیٹ حملہ کیس، شاہ محمود قریشی کو فرد جرم کے لیے 25 نومبر کو پیش کرنے کا حکم

فضائی کارروائیوں کا اثر

وفاقی وزیر کا کہنا تھاکہ افغانستان بھر میں 81 دہشتگردوں اور ان کے سہولت کاروں کے ٹھکانوں کو فضائی کارروائی میں نشانہ بنایا گیا۔ 2 اور 3 اپریل کی رات غلام خان سیکٹر میں سرحدی چوکی پر افغان طالبان اور فتنہ الخوارج نے حملے کی کوشش کی لیکن فورسز نے حملے کی کوشش کو مکمل طور پر ناکام بنایا۔