ٹرمپ کی ایران کو دھمکی کے بعد خام تیل کی قیمت 115 ڈالر پر پہنچ گئی

خام تیل کی قیمتوں میں اضافہ

نیویارک (ڈیلی پاکستان آن لائن) امریکی صدر ڈونلڈ ٹرمپ کی ایران کو دھمکی دینے کے بعد عالمی منڈی میں خام تیل کی قیمتوں میں پھر اضافہ ریکارڈ کیا جارہا ہے۔

یہ بھی پڑھیں: عالمی مارکیٹس میں سونے اور چاندی کی قیمتوں میں کمی

امریکی اور برطانوی خام تیل کی قیمتیں

امریکی خام تیل کی قیمت 2.86 فیصد بڑھ گئی، مارکیٹ میں امریکی خام تیل 115 ڈالر فی بیرل پر فروخت ہورہا ہے، جبکہ برطانوی خام تیل 1.5 فیصد اضافے کے ساتھ 111 ڈالر فی بیرل پر پہنچ گیا۔

اوپیک ممالک کی پیداوار میں اضافہ

دوسری جانب اوپیک ممالک نے مئی کیلئے تیل کی پیداوار بڑھانے کا فیصلہ کیا ہے۔ ترجمان کے مطابق مئی میں روزانہ کی بنیاد پر دو لاکھ بیرل سے زائد تیل کی پیداوار بڑھائیں گے، تیل کی پیداوار بڑھانے کا مقصد توانائی کی مارکیٹوں میں جاری ہلچل کو روکنا ہے۔ سعودی عرب اور روس سمیت کئی خلیجی ممالک بھی تیل کی پیداوار بڑھانے پر متفق ہوئے۔