پٹرولیم مصنوعات کی قیمتیں بڑھنے کے بعد مفت سفری سہولیات، 6 اپریل کو مسافروں کی مجموعی تعداد 10 لاکھ 31 ہزار سے تجاوز کر گئی، پنجاب ماس ٹرانزٹ اتھارٹی

مفت سفر کی سہولیات کا آغاز

لاہور (زین بابو) وزیر اعلیٰ پنجاب مریم نواز شریف کی ہدایت پر میٹرو بس سروسز، اورنج لائن میٹرو ٹرین، سپیڈو اور الیکٹرک بسوں میں فری سفر کی سہولت بدستور جاری ہے۔

یہ بھی پڑھیں: پی ٹی آئی میں بیٹھے “میر جعفر” بانی کی جڑیں کاٹ رہے ہیں، شہریارآفریدی

مسافروں کی تعداد میں اضافہ

پنجاب ماس ٹرانزٹ اتھارٹی کی رپورٹ کے مطابق 6 اپریل کو مسافروں کی مجموعی تعداد 10 لاکھ 31 ہزار سے تجاوز کر گئی، جو معمول کے دنوں کے مقابلے میں نمایاں اضافہ ہے۔ اعداد و شمار کے مطابق اورنج لائن میٹرو ٹرین سے تقریباً 3 لاکھ 40 ہزار مسافروں نے سفر کیا، جبکہ لاہور میٹرو بس سروس سے 1 لاکھ 57 ہزار سے زائد افراد مستفید ہوئے۔ اسی طرح سپیڈو بسز کے ذریعے 1 لاکھ 63 ہزار سے زائد شہریوں نے مفت سفر کی سہولت حاصل کی۔

یہ بھی پڑھیں: بچ کے جنگل سے نکل آۓ تھے غیروں سے ضرور۔۔۔

گرین الیکٹرک بسوں کی کامیابی

لاہور میں چلنے والی گرین الیکٹرک بسوں سے 6 اپریل کو ساڑھے 23 ہزار سے زائد مسافروں نے سفر کیا، جبکہ راولپنڈی میں گرین الیکٹرک بسوں کے ذریعے تقریباً 40 ہزار اور میٹرو بس سروس سے 1 لاکھ 90 ہزار سے زائد افراد نے فائدہ اٹھایا۔ ملتان میں میٹرو بس سسٹم سے 82 ہزار سے زائد جبکہ فیڈر روٹس پر تقریباً 31 ہزار مسافروں نے مفت سفر کیا۔ رپورٹ کے مطابق عام دنوں کے مقابلے میں مسافروں کی تعداد میں 61 فیصد اضافہ ریکارڈ کیا گیا ہے۔

سفری سہولیات کا معاشی اثر

صوبائی وزیر ٹرانسپورٹ کا کہنا ہے کہ شہری نجی سواری کے بجائے مفت سفری سہولت کو ترجیح دے رہے ہیں، جس سے نہ صرف ٹریفک کے مسائل میں کمی آئے گی بلکہ عوام کو معاشی ریلیف بھی میسر آئے گا.