پنجاب اسمبلی میں ایران اور امریکہ کے درمیان جنگ بندی کے خیرمقدم کی قرارداد جمع

پنجاب اسمبلی میں قرارداد کی منظوری

لاہور (ڈیلی پاکستان آن لائن) پنجاب اسمبلی میں ایران اور امریکہ کے درمیان جنگ بندی کے خیرمقدم کے لیے قرارداد جمع کروا دی گئی۔ قرارداد مسلم لیگ (ن) کی رکن حنا پرویز بٹ کی جانب سے پیش کی گئی۔

یہ بھی پڑھیں: پاکستان کبڈی کے 4 کھلاڑیوں پر 4 سال کی پابندی عائد

جنگ بندی کا خیرمقدم

قرارداد کے متن کے مطابق ایوان ایران اور امریکہ کے درمیان جنگ بندی کا خیرمقدم کرتا ہے اور خطے میں امن کے قیام کے لیے اس پیش رفت کو مثبت قرار دیتا ہے۔

یہ بھی پڑھیں: یونان میں کشتی حادثہ اور پاکستانیوں کی اموات، محسن نقوی کا بیان بھی آگیا

حکومتی کوششوں کا اعتراف

قرارداد میں وزیراعظم شہباز شریف، وزیر خارجہ اسحاق ڈار اور فیلڈ مارشل سید عاصم منیر کو خراجِ تحسین پیش کرتے ہوئے کہا گیا ہے کہ پاکستان نے مشرقِ وسطیٰ میں قیامِ امن کے لیے مخلصانہ سفارتی کوششیں کیں۔ پاکستان کی پرامن سفارتی کاوشوں کو عالمی سطح پر تسلیم کیا جا رہا ہے اور یہ وزیراعظم شہباز شریف اور ان کی حکومت کی ایک بڑی کامیابی ہے۔

پاکستان کی عالمی حیثیت

قرارداد میں اس امر پر بھی زور دیا گیا کہ جس پاکستان کو عالمی سطح پر تنہائی کا شکار بنانے کی کوشش کی گئی، آج وہی پاکستان عالمی فیصلوں میں مؤثر کردار ادا کر رہا ہے۔ مزید برآں، قرارداد میں کہا گیا کہ وزیراعظم شہباز شریف، وزیر خارجہ اسحاق ڈار اور فیلڈ مارشل سید عاصم منیر اسلامی دنیا کے ہیرو بن کر سامنے آئے ہیں۔ ایوان نے امن کے قیام کے لیے وفاقی حکومت کے تمام فیصلوں کی مکمل تائید کا اظہار بھی کیا۔