پی ایس ایل: اسلام آباد یونائیٹڈ کا لاہور قلندرز کے خلاف ٹاس جیت کر بولنگ کا فیصلہ

پی ایس ایل کا سولہواں میچ

کراچی(ڈیلی پاکستان آن لائن) پاکستان سپر لیگ (پی ایس ایل) کے سولہویں میچ میں اسلام آباد یونائیٹڈ نے لاہور قلندرز کے خلاف ٹاس جیت کر بولنگ کا فیصلہ کیا ہے۔

یہ بھی پڑھیں: سابق کرکٹر راشد لطیف کے خلاف نیشنل سائبر کرائم انویسٹی گیشن ایجنسی نے تحقیقات کا آغاز کر دیا

پچ کی حالت اور کپتان کی حکمت عملی

تفصیلات کے مطابق نیشنل سٹیڈیم کراچی میں اسلام آباد یونائیٹڈ کے کپتان شاداب خان نے کہا کہ یہ آسٹریلین مٹی سے بنی پچ ہے، کچھ پتہ نہیں کہ کیسی ہوگی، اس لیے وہ پہلے بولنگ کرنا چاہتے ہیں۔

انہوں نے مزید بتایا کہ گزشتہ روز کی وکٹ کے مقابلے میں آج کی وکٹ مختلف ہوگی، اور پچ پر گھاس کی موجودگی کی وجہ سے ابتدائی گیندوں میں سوئنگ ہونے کا بھی امکان ہے۔

یہ بھی پڑھیں: ایران پر امریکی حملے، جماعت اسلامی نے کل یوم احتجاج منانے کا اعلان کر دیا

لاہور قلندرز کی تبدیلی

لاہور قلندرز کے کپتان شاہین شاہ آفریدی نے بتایا کہ ان کی ٹیم میں ایک تبدیلی ہوئی ہے۔ پرویز حسین ایمون انجری کے باعث آج کا میچ نہیں کھیل رہے، ان کی جگہ رائن برل کو ٹیم میں شامل کیا گیا ہے۔

شاہین آفریدی کا بیان

شاہین آفریدی نے کہا کہ ہماری ٹیم کے لیے یہ اچھا ہے کہ جو بھی کھلاڑی آتا ہے، وہ پرفارم کرتا ہے۔ کسی کی کمی محسوس نہیں ہو رہی، لیکن فخر زمان ہمارا اہم کھلاڑی ہے، جب وہ واپس آئے گا تو ہماری پرفارمنس مزید بہتر ہوگی۔