نیتن یاہو نے اسرائیلی کابینہ کو لبنان کے ساتھ براہ راست مذاکرات کی ہدایت کر دی، یروشلم پوسٹ کا دعویٰ۔

نیتن یاہو کا لبنان کے ساتھ مذاکرات کا اعلان

تل ابیب (ڈیلی پاکستان آن لائن) اسرائیلی وزیراعظم نیتن یاہو نے اپنی کابینہ کو لبنان کے ساتھ براہ راست مذاکرات کی ہدایت کر دی۔ غیر ملکی خبر رساں ایجنسی کے مطابق اسرائیلی وزیرِ اعظم نیتن یاہو نے کہا ہے کہ انہوں نے اسرائیل کو لبنان کے ساتھ امن مذاکرات شروع کرنے کی ہدایت دے دی ہے۔

مذاکرات کی اہمیت

نیتن یاہو نے اپنے ایک بیان میں کہا کہ لبنان کی جانب سے اسرائیل کے ساتھ براہِ راست مذاکرات شروع کرنے کی بار بار درخواستوں کے پیشِ نظر میں نے کل کابینہ کو ہدایت دی کہ لبنان کے ساتھ جلد از جلد براہِ راست مذاکرات شروع کیے جائیں۔

غرض و مقصد

انہوں نے مزید کہا کہ یہ مذاکرات حزب اللہ کو غیر مسلح کرنے اور اسرائیل اور لبنان کے درمیان پُرامن تعلقات کے قیام پر مرکوز ہوں گے۔ واضح رہے کہ یہ بیان ایسے وقت میں سامنے آیا ہے جب خطے میں کشیدگی کے باوجود سفارتی رابطوں کی کوششیں تیز ہوتی دکھائی دے رہی ہیں۔