پاکستان عالمی امن کے قیام میں مثبت کردار ادا کر رہا ہے، چوہدری شجاعت حسین

چوہدری شجاعت حسین کا بیان

لاہور(ڈیلی پاکستان آن لائن) پاکستان مسلم لیگ کے صدر و سابق وزیراعظم چوہدری شجاعت حسین نے کہا ہے کہ حالیہ عالمی کشیدگی کے دوران پاکستان نے نہایت ذمہ دارانہ، مثبت اور مؤثر کردار ادا کیا جس کے نتیجے میں پاکستان ایک امن پسند اور ذمہ دار ریاست کے طور پر عالمی سطح پر نمایاں ہو کر سامنے آیا ہے۔

یہ بھی پڑھیں: سرگودھا: تیز رفتار وین درخت سے ٹکرا گئی، 3 افراد جاں بحق، 10 زخمی

سفارتی کامیابی

انہوں نے کہا کہ پاکستان نے امریکہ اور ایران کے درمیان کشیدگی کم کرنے میں اہم سفارتی کردار ادا کیا جس سے نہ صرف خطے میں امن کے امکانات روشن ہوئے بلکہ عالمی معیشت کو بھی ممکنہ بحران سے بچانے میں مدد ملی۔ انہوں نے کہا کہ اس اہم سفارتی کامیابی میں وزیراعظم شہباز شریف اور فیلڈ مارشل جنرل عاصم منیر کا واضح اور مؤثر کردار رہا جسے عالمی سطح پر سراہا جا رہا ہے۔ پاکستان کی انہی مثبت کوششوں کے نتیجے میں تیل کی قیمتوں میں کمی اور عالمی حصص بازاروں میں بہتری دیکھنے میں آئی جو اس مثبت پیش رفت کا عملی ثبوت ہے۔

یہ بھی پڑھیں: حافظ نعیم الرحمان نے الیکشن کمیشن کے شوکاز نوٹس کا تحریری جواب جمع کروا دیا

مستقبل کے چیلنجز

چوہدری شجاعت حسین نے کہا کہ پاکستان کو اپنے اس مثبت اور مؤثر کردار کو مزید مستحکم بنانے کی ضرورت ہے۔ انہوں نے کہا کہ پاکستان کی سیاسی و عسکری قیادت کے چین، سعودی عرب، ایران اور دیگر اہم ممالک کے ساتھ مضبوط تعلقات خطے میں امن کے قیام کے لیے نہایت اہمیت رکھتے ہیں جبکہ چین کا کردار خاص طور پر قابلِ تحسین ہے۔

یہ بھی پڑھیں: فیصل آباد ڈویژن کے سرکاری کالجز، میڈیکل کالجز اور یونیورسٹیوں کے طلباء کیلئے 10 کروڑ روپے سے زائد کے اسکالر شپ کا اعلان

امن کی کوششیں

انہوں نے کہا کہ موجودہ صورتحال میں صبر، تحمل اور بردباری کا مظاہرہ کرتے ہوئے مستقل اور پائیدار امن کی طرف پیش رفت جاری رکھنا ہوگی کیونکہ بعض قوتیں امن کی کوششوں کو سبوتاژ کرنے کی کوشش کر سکتی ہیں۔ انہوں نے وزیراعظم شہباز شریف کو مشورہ دیا کہ وہ خوشامدی عناصر سے دور رہتے ہوئے تمام سیاسی جماعتوں اور عسکری قیادت کے ساتھ مشاورت کو یقینی بنائیں تاکہ قومی یکجہتی کے ذریعے درپیش چیلنجز کا مؤثر انداز میں مقابلہ کیا جا سکے۔

پاک بھارت تعلقات

انہوں نے کہا کہ نریندر مودی کی خواہش ہے کہ کسی بھی صورت پاک بھارت کشیدگی کو بڑھایا جائے، تاہم پاکستان کی قیادت نے ہمیشہ ذمہ داری، تدبر اور امن کو ترجیح دی ہے۔ انہوں نے وزیراعظم شہباز شریف کی اس سوچ کو بھی سراہا کہ وہ ذاتی تشہیر کے بجائے ہر موقع پر پاکستان کا نام آگے رکھتے ہیں، جو قابلِ تحسین قومی طرزِ قیادت کی مثال ہے۔