آبنائے ہرمز کے معاملے پر امریکہ اور ایران کے درمیان شدید اختلافات برقرار ہیں، ایرانی میڈیا

امریکہ اور ایران کے درمیان اختلافات

اسلام آباد (ڈیلی پاکستان آن لائن) ایرانی میڈیا کے مطابق آبنائے ہرمز کے معاملے پر امریکہ اور ایران کے درمیان شدید اختلافات برقرار ہیں۔

یہ بھی پڑھیں: اینٹوں کے بھٹوں کی ڈیجیٹلائزیشن اور بچوں کی مزدوری کا خاتمہ’’یہ محض اصلاحات نہیں،انسانی حقوق کا انقلاب ہے۔ الحمدللہ‘‘مریم اورنگزیب

تحریری پیغامات کا تبادلہ

ایران کی نیم سرکاری خبر رساں ایجنسی تسنیم نے تصدیق کی ہے کہ دونوں ممالک کے درمیان مذاکراتی عمل کو آگے بڑھانے کے لیے تحریری پیغامات کا تبادلہ جاری ہے، جس کا مقصد بات چیت کے لیے ایک مشترکہ فریم ورک تک پہنچنا ہے۔

یہ بھی پڑھیں: شناختی کارڈ بنوانے کے خواہشمند افراد کے لیے اہم خبر

واشنگٹن کے مطالبات کی شدت

تسنیم نے پاکستان کے دارالحکومت میں موجود اپنے نمائندے کے حوالے سے رپورٹ کیا کہ مذاکرات میں پیش رفت کو واشنگٹن کے “معمول کے مطابق حد سے زیادہ مطالبات” نے سست کر دیا ہے۔ رپورٹ کے مطابق مشاورت کا عمل تاحال جاری ہے، تاہم بعض اہم معاملات پر اختلافات بدستور موجود ہیں۔

آبنائے ہرمز کا معاملہ

خبر رساں ایجنسی نے مزید کہا کہ آبنائے ہرمز کا معاملہ ان اہم نکات میں شامل ہے جہاں دونوں فریقین کے درمیان سنجیدہ نوعیت کے اختلافات پائے جاتے ہیں، جس کے باعث کسی حتمی پیش رفت میں رکاوٹ درپیش ہے۔