گھر سے سودا لینے کے لیے جانے والی 19 سالہ لڑکی کے ساتھ اجتماعی زیادتی

لاہور میں اجتماعی زیادتی کا واقعہ

لاہور (ڈیلی پاکستان آن لائن) گھر سے سودا سلف لینے کے لیے جانے والی 19 سالہ لڑکی کے ساتھ اجتماعی زیادتی کا واقعہ پیش آیا۔

یہ بھی پڑھیں: بھارت کی کسی بھی جارحیت کا منہ توڑ جواب دیا جائے گا، وزیر خارجہ اسحاق ڈار

پولیس کی کارروائی

نجی ٹی وی چینل ایکسپریس نیوز کے مطابق پولیس کا کہنا ہے کہ کاہنہ کے علاقے میں 19 سالہ لڑکی کے ساتھ اجتماعی زیادتی کا واقعہ پیش آیا، جس پر پولیس نے ہیومن انٹیلی کی مدد سے 2 ملزمان کو گرفتار کرلیا۔

یہ بھی پڑھیں: پی سی بی کے ڈائریکٹر ڈومیسٹک خرم عبداللہ نیازی کی خدمات وفاق کے سپرد

واقعہ کی تفصیلات

تفصیلات کے مطابق 19 سالہ لڑکی گھر سے باہر سودا سلف لینے گئی تھی، جہاں مرکزی ملزم لڑکی کو ورغلا کر چونگی امر سدھو سے دھلوکی گاؤں لے گیا۔ ملزم نے اپنے ساتھی کے ساتھ مل کر گاؤں میں واقع حویلی میں زیادتی کا نشانہ بنایا۔

یہ بھی پڑھیں: پاکستان سے آسٹریلوی ویزا کے لیے درخواست دینا اب مزید آسان ہوگیا ہے، آسٹریلین ہائی کمیشن

متاثرہ لڑکی کی حالت

بعد ازاں متاثرہ لڑکی کی حالت غیر ہونے پر مرکزی ملزم گھر کے باہر چھوڑ کر فرار ہو گیا۔

ملزمان کی گرفتاری

ایس ایچ او کاہنہ کے مطابق ملزمان فریاد اور ناصر کے خلاف مقدمہ درج کرکے جینڈر سیل کے حوالے کردیا گیا ہے۔ پولیس حکام کا کہنا ہے کہ خواتین کا استحصال کرنے والے کسی رعایت کے مستحق نہیں۔