پنجاب یونیورسٹی کالج آف آرٹ اینڈ ڈیزائن کے زیر اہتمام فن پاروں کی نمائش

پنجاب یونیورسٹی میں فن پاروں کی نمائش

لاہور(لیڈی رپورٹر) پنجاب یونیورسٹی کالج آف آرٹ اینڈ ڈیزائن کے زیر اہتمام فن پاروں کی نمائش کا اہتمام کیا گیا۔

یہ بھی پڑھیں: آئی ایس پی آر نے نیا ملی نغمہ ’’مل کر کہو، بلند آواز۔۔۔ پاک سر زمین شاد باد‘‘ جاری کر دیا

آرٹ اور پائیداری کا موضوع

نمائش میں آرٹ اور پائیداری کے باہمی تعلق کی تلاش پر مبنی 40 سے زائد فنکاروں کے مختلف فن پاروں کو پیش کیا گیا۔ نمائش میں وائس چانسلر پنجاب یونیورسٹی پروفیسر ڈاکٹر محمد علی، پرو وائس چانسلر پروفیسر ڈاکٹر خالد محمود، وائس چانسلر بہاﺅالدین زکریا یونیورسٹی ملتان پروفیسر ڈاکٹر محمد زبیر، پرنسپل کالج آف آرٹ اینڈ ڈیزائن ڈاکٹر ثمینہ نسیم، حبیب عالم، ڈاکٹر اسنا مبشرہ، فیکلٹی ممبران، فنکار اور طلباو طالبات نے شرکت کی۔

یہ بھی پڑھیں: حج 2025 سستا کرنے کیلئے وزارت مذہبی امور کو بڑی کامیابی مل گئی

وائس چانسلر کا بیان

میڈیا سے گفتگو کرتے ہوئے وائس چانسلر پروفیسر ڈاکٹر محمد علی نے کہا کہ اس نمائش کا مقصد پائیداری اور ماحولیاتی مسائل کے بارے فن کے ذریعے شعور اجاگر کرنا تھا جو پینٹنگ، مجسمہ سازی، تنصیب، ڈیجیٹل میڈیا اور فائبر آرٹ سمیت مختلف فن پاروں کو یکجا کرتے ہیں۔ انہوں نے کہا کہ ہمیں اپنے طرز عمل کو تبدیل کرنے اور ماحولیات کے تحفظ کے لیے پائیدار طریقوں کو اپنانا ہوگا۔ انہوں نے کہا کہ ہمیں گرین انرجی کی طرف بڑھنا چاہیے۔

کالج پرنسپل کا مؤقف

کالج پرنسپل ڈاکٹر ثمینہ نسیم نے کہا کہ یہ نمائش معاشرے کو پائیداری اور ماحولیاتی تحفظ کی اہمیت کے بارے میں مکالمے میں شامل کرنے کی کوشش ہے۔ انہوں نے کہا کہ آرٹ میں منفرد صلاحیت موجود ہے جو تبدیلی کے عمل کو متاثر کرے اور یہ حیرت انگیز نمائش افراد کو ماحول پر اپنے اثرات پر غور کرنے کی ترغیب دیتی ہے۔