انسٹا پر 14 ملین فالورز رکھنے والی ایشوریا کس ایک شخصیت کو فالو کرتی ہیں؟

ایشوریا رائے کی انسٹاگرام موجودگی

ممبئی (ڈیلی پاکستان آن لائن) بالی وڈ سپر سٹار ایشوریا رائے انسٹا گرام پر زیادہ ایکٹو نظر نہیں آتیں لیکن اس کے باوجود ان کے انسٹا پرفالورز کی تعداد 14 ملین سے زائد ہے۔

یہ بھی پڑھیں: 100 اور 1500 مالیت کے انعامی بانڈز کی قرعہ اندازی 15مئی کو ہو گی

فالورز کی تعداد میں اضافہ

ایشوریا نے جب انسٹاگرام جوائن کیا تو چند ہی گھنٹوں میں ان کے فالورز کی تعداد لاکھوں ہوگئی تھی۔ آج بھی ایشوریا انسٹا پر روزانہ پوسٹ نہیں کرتیں لیکن وہ جب بھی کوئی پوسٹ اپ لوڈ کریں تو سیکنڈز میں وائرل ہوجاتی ہے۔

یہ بھی پڑھیں: دریائوں اور آبی ذخیروں میں پانی کی صورتحال سے متعلق تازہ خبر آگئی

فالو کی جانے والی شخصیت

لیکن کیا آپ جانتے ہیں کہ ایشوریا انسٹاگرام پر خود صرف ایک ہی شخص کو فالو کرتی ہیں؟ انسٹاگرام پر ایشوریا کے فالوورز کی تعداد 14.3 ملین ہے لیکن اداکارہ انسٹاگرام پر خود صرف ایک ہی شخص کو فالو کرتی ہیں اور وہ شخصیت ان کے شوہر ابھیشیک بچن ہیں۔

یہ بھی پڑھیں: شہرت کی خاطر تماشا

طلاق کی افواہیں

بھارتی میڈیا کے مطابق ایشوریا اور ابھیشیک کے درمیان طلاق کی مسلسل افواہوں کے دوران دونوں شخصیات کا تاحال ایک دوسرے کو فالو کرنا بھی اس بات کا ثبوت ہوسکتا ہے فی الحال سب ٹھیک ہے۔ اداکار جوڑی ایشوریا اور ابھیشیک کے درمیان طلاق کی افواہیں ویسے تو 2 سالوں سے چل رہی ہیں لیکن رواں برس ان افواہوں نے زور پکڑ لیا۔ اس کی بڑی وجہ دونوں میاں بیوی کو ایونٹس میں الگ الگ شرکت کرتے دیکھنا تھا۔

ازدواجی زندگی کا حال

ایشوریا نے اب تک اپنی ازدواجی زندگی سے متعلق ہونے والی چہ مگوئیوں پر تبصرہ نہیں کیا ہے جبکہ ابھیشیک شادی کی انگوٹھی دکھا کر شادی شدہ ہونے کا دعویٰ کرچکے ہیں۔