امریکی سفارت خانہ کے 3رکنی وفد کی اڈیالہ جیل آمد

امریکی سفارت خانہ کا وفد اڈیالہ جیل میں

راولپنڈی (ڈیلی پاکستان آن لائن) امریکی سفارت خانہ کے تین رکنی وفد کی اڈیالہ جیل آمد ہوئی، جہاں انہیں تین اسیر ملزمان تک قونصلر رسائی فراہم کی گئی۔

یہ بھی پڑھیں: آصف زرداری قتل سازش کیس، عدالت نے شیخ رشید کیخلاف مقدمے کا محفوظ فیصلہ سنا دیا

ملاقات کی تفصیلات

نجی ٹی وی چینل آج نیوز کے مطابق، امریکی وفد اڈیالہ جیل میں پہنچا جہاں انہیں تین اسیر ملزمان تک قونصلر رسائی دی گئی۔ وفد نے فارن ایکٹ کے تحت گرفتار امریکی شہریوں سے ملاقات کی، جو ایڈیشنل سپریٹنڈنٹ کے دفتر میں ایک گھنٹہ جاری رہی۔

ملاقات کرنے والے شہری

وفد کو امریکی شہری عابد ملک، صدیقہ سعید، اور ایلکس پلیڈو تک قونصلر رسائی دی گئی۔ امریکی وفد میں عرفان جان، مائیک مرفی، اور راحیل جاوید شامل تھے۔ ملاقات کے بعد، امریکی وفد اڈیالہ جیل سے واپس روانہ ہو گیا۔