شاہ رخ خان کے شائستہ انداز نے دبئی کی شاپ میں لوگوں کے دل موہ لیے

شاہ رخ خان کا دورہ جیولری شاپ

دبئی (ڈیلی پاکستان آن لائن) بالی ووڈ سپر سٹار شاہ رخ خان اپنی کرشماتی آن اسکرین اور عالمی سطح پر آف اسکرین اپنے پرستاروں پر اثر و رسوخ رکھنے کے حوالے سے جانے جاتے ہیں۔

عاجزانہ انداز

حال ہی میں انہوں نے متحدہ عرب امارات میں ایک جیولری شاپ کا دورہ کیا جہاں ان کے مختصر لیکن عاجزانہ و شائستہ انداز نے لوگوں کے دل جیت لیے۔

سی سی ٹی وی فوٹیج کا اشتراک

اس جیولری شاپ کے اسٹاف نے شاہ رخ خان کے ساتھ اس خاص لمحے کی سی سی ٹی وی فوٹیج اپنے انسٹاگرام ہینڈل پر شیئر کی ہے۔

کنگ خان اور گوری خان

اسٹاف کے ایک رکن پرمندر سنگھ نے یہ کلپ کنگ خان اور انکی اہلیہ گوری خان کے ساتھ جیولری شاپ کے اندر بنائی، جہاں گوری خان شاپ کے اندر چلتی نظر آرہی ہیں جبکہ شاہ رخ خان انکے پیچھے چل رہے ہیں۔

محبت اور عقیدت کا اظہار

اس دوران شاہ رخ نے ایک لمحے کو رک اسٹاف کی جانب دیکھا، جس پر اسٹاف نے ان سے محبت اور عقیدت کا اظہار کیا۔

آنے والی فلم

واضح رہے کہ شاہ رخ خان، ہدایتکار سوجوئے گھوش کی آئندہ آنیوالی فلم کنگ میں نظر آئیں گے۔