رانا نوید الحسن کو افغانستان انڈر 19 ٹیم کا بولنگ کوچ مقرر کردیا گیا

رانا نوید الحسن کی نئی ذمہ داری

اسلام آباد(ڈیلی پاکستان آن لائن) پاکستان کے سابق ٹیسٹ کرکٹر فاسٹ بولر رانا نوید الحسن کو افغانستان انڈر 19 ٹیم کا بولنگ کوچ مقرر کردیا گیا۔ سوشل میڈیا پر جاری بیان میں رانا نوید الحسن کا کہنا تھا کہ افغانستان انڈر 19 کرکٹ ٹیم کی کوچنگ کے لیے پرجوش ہوں۔ انہوں نے افغانستان انڈر 19 ٹیم کو بطور بولنگ کوچ جوائن کیا ہے۔

افغانستان انڈر 19 ٹیم کی سرگرمیاں

خیال رہے کہ افغانستان انڈر 19 ٹیم یو اے ای میں سہہ فریقی سیریز میں شرکت کرے گی۔ یہ سہہ فریقی سیریز پاکستان، افغانستان اور یو اے ای کی ٹیموں کے درمیان کھیلی جائے گی۔ رانا نوید الحسن، افغانستان کے نیشنل ہائی پرفارمنس بولنگ کوچ کی حیثیت سے خدمات انجام دے رہے ہیں۔