سپریم کورٹ کے ججز کی تعداد 34 کرنے کا بل سینیٹ سے بھی منظور

اسلام آباد (ڈیلی پاکستان آن لائن) قومی اسمبلی کے بعد سینیٹ سے بھی ججز کی تعداد 34 کرنے کا بل منظور کرلیا گیا۔

سینیٹ کی جانب سے بل کی منظوری

سینیٹ نے سپریم کورٹ پریکٹس اینڈ پروسیجر بل منظور کرلیا، اور اسلام آباد ہائیکورٹ کے ججز کی تعداد بڑھانے کا بل بھی منظور کرلیا۔

قومی اسمبلی میں پیش کردہ بل

اس سے قبل سپریم کورٹ میں ججز کی تعداد 17 سے بڑھا کر 34 کرنے کا بل قومی اسمبلی سے منظور کرایا گیا تھا۔

قومی اسمبلی کا اجلاس اور بل کی پیشی

سپیکر ایاز صادق کی زیر صدارت قومی اسمبلی کے اجلاس میں قرارداد سے قبل وقفہ سوالات معطل کرنے کی تحریک وزیر قانون کی جانب سے پیش کی گئی جس کو کثرت رائے سے منظور کرلیا گیا۔

وزیر قانون کا وضاحت

اس کے بعد وزیر قانون نے سپریم کورٹ پریکٹس اینڈ پروسیجر آرڈیننس قومی اسمبلی میں منظوری کیلئے پیش کیا، جس میں سپریم کورٹ کے ججز کی تعداد بڑھا کر 34 جبکہ اسلام آباد ہائیکورٹ میں ججز کی تعداد 12 کرنے کی تجویز دی گئی ہے۔ بل پیش کرنے کے دوران قومی اسمبلی میں اپوزیشن نے شدید ہنگامہ آرائی اور نعرے بازی کی، تاہم اس دوران وفاقی وزیر قانون نے بل کے نکات سے ایوان کو آگاہ کیا اور کہا کہ سپریم کورٹ کی رجسٹری میں ہزاروں کی تعداد میں مقدمات زیر التوا ہیں، جس کی بنیاد پر ججز کی تعداد بڑھانا ضروری ہے۔

اسلام آباد ہائیکورٹ میں تبدیلیاں

اسی کے ساتھ وزیر قانون نے اسلام آباد ہائیکورٹ ترمیمی بل 2024 قومی اسمبلی میں پیش کیا اور بتایا کہ ہائیکورٹ میں ججز کی تعداد 9 سے بڑھا کر 12 کی جا رہی ہے۔