عدالتی احکامات کے مطابق کاروباری مراکز بند کیے جائیں گے، سموگ سٹیئرنگ کمیٹی کے اجلاس میں اہم فیصلے

سموگ سٹیئرنگ کمیٹی کا اجلاس

لاہور (ڈیلی پاکستان آن لائن) سینئر وزیر مریم اورنگزیب کی صدارت میں سموگ سٹیئرنگ کمیٹی کا اجلاس ہوا۔ اجلاس میں فیصلہ کیا گیا کہ ایڈووکیٹ جنرل پنجاب حکومت پنجاب کے مکمل اختیار کے ساتھ لاہور ہائی کورٹ میں پیش ہوں گے اور عدالت کو آگاہ کریں گے کہ حکومت سموگ مٹیگیشن آرڈرز پر فوری اور مؤثر طریقے سے عملدرآمد کر رہی ہے۔ اس کے علاوہ لاہور ہائیکورٹ کو سموگ ڈوزئیر بھی پیش کیا جائے گا۔

یہ بھی پڑھیں: خیبرپختونخوا حکومت نے صحت کارڈ کی طرز پر کس شعبے کیلیے کارڈ شروع کرنے کا فیصلہ کر لیا؟ جانیے

ٹریفک کے بہتر انتظام کے اقدامات

کچہری کے قریب ٹریفک کے بہتر انتظام کے لیے صوبائی وزیر قانون، سیکرٹری قانون، ڈی سی لاہور اور سی ٹی او بار ایسوسی ایشن کے ساتھ بات چیت کریں گے۔ کمشنر لاہور، ٹیپا اور سی ٹی او ان 11 ٹریفک ہاٹ سپاٹس پر کام کریں گے، جن کا انہوں نے اس سے قبل اپنے سابقہ پلان میں ذکر کیا ہے، اس پر جلد از جلد عمل درآمد کیا جائے گا۔

یہ بھی پڑھیں: سیاستدانوں نے ضیاء الحق اور مشرف کا دور ختم ہونے پر بھی اپنی اور ملک کی سمت درست نہ کی، دولت اور جائیدادوں میں اضافہ کرنے میں لگے رہے۔

اجلاس کے دیگر فیصلے

کمشنر لاہور کی زیر نگرانی سی ٹی او لاہور اور ضلعی انتظامیہ لاہور کی ایل ٹی وی اور ایچ ٹی وی موومنٹ کے لیے ٹھوس پلان تیار کرے گی۔ اجلاس میں فیصلہ کیا گیا کہ صوبائی سیکرٹری تحفظ ماحول کچہری چوک کا معاملہ عدالت میں بھی اٹھائیں گے۔

یہ بھی پڑھیں: بھارت نے پاکستان کو گرے لسٹ میں ڈالنے کے لیے ایف اے ٹی ایف میں درخواست دے دی

عدالتی احکامات کی پیروی

عدالتی احکامات کے مطابق دکانیں اور کاروباری مراکز بند کیے جائیں گے۔ کمشنر آفس دکانوں کے اوقات اور بند ہونے کے حوالے سے عدالتی احکامات پر عمل درآمد کے لیے مکمل پلان دے گا۔ سٹی ٹریفک پولیس سڑکوں پر لازمی طور پر ماسک پہننے کی پابندی کو نافذ کرے گی۔ پنجاب سیف سٹی کے کیمرے اس سلسلے میں مدد فراہم کریں گے۔ بازاروں میں دکاندار ماسک پہنیں گے اور شہریوں کو بھی ایسا کرنے کی ترغیب دیں گے۔

یہ بھی پڑھیں: سربراہ پاک بحریہ ایڈمرل نوید اشرف کا عالمی یومِ ماحولیات 2025 کے موقع پر پیغام

دھول کنٹرول اور کلاؤڈ سیڈنگ

اجلاس میں مزید فیصلہ کیا گیا کہ سٹیک ہولڈرز کو ساتھ لے کر زیر تعمیر عمارتوں کے مقامات سے اٹھنے والی دھول کے بارے میں ایس او پیز کو صحیح معنوں میں لاگو کیا جائے گا۔ سیکرٹری تحفظ ماحول ملتان میں کلاؤڈ سیڈنگ کے امکانات کا جائزہ لیں گے۔ ملتان، گوجرانوالہ اور فیصل آباد کے کمشنرز آئندہ اجلاس میں شرکت کریں گے۔

شیڈول اور انتظامات

اگلے احکامات تک دفاتر 50 فیصد عملے کے ساتھ کام کریں گے اور ضلعی انتظامیہ اس بات کو یقینی بنائے گی کہ نجی شعبے میں بھی اس پر عمل درآمد کیا جائے۔ چیف سیکرٹری الیکشن کمیشن کو کچہری کے علاقے سے ای سی پی کے دفتر کی منتقلی کے حوالے سے خط لکھیں گے۔