وزیر اعلیٰ پنجاب کا سرگودھا میں 3 خواتین پر تشدد کا نوٹس ، رپورٹ طلب کر لی

وزیر اعلیٰ پنجاب کا تشدد کا نوٹس

لاہور (ڈیلی پاکستان آن لائن) وزیر اعلیٰ پنجاب مریم نواز نے سرگودھا میں جائیداد کے تنازع کے حوالے سے 3 خواتین پر تشدد کے واقعے کا نوٹس لے لیا ہے۔ وزیر اعلیٰ نے آر پی او سرگودھا سے اس بارے میں رپورٹ طلب کرلی ہے۔

تشدد کی مذمت

وزیر اعلیٰ پنجاب نے کہا ہے کہ جائیداد کے تنازع پر خواتین پر تشدد نہ صرف افسوسناک ہے بلکہ یہ قابل مذمت بھی ہے۔ انہوں نے اس بات پر زور دیا کہ خواتین اور بچے ریڈ لائن ہیں اور تشدد کے ایسے واقعات قطعی برداشت نہیں کیے جائیں گے۔