بھارت میں پولیس اور باغیوں کے درمیان جھڑپ، 11 افراد ہلاک

مقابلے کا واقعہ

نئی دہلی (ڈیلی پاکستان آن لائن) بھارتی ریاست منی پور کے ضلع جیری بام میں باغیوں اور پولیس کے درمیان مقابلے کے نتیجے میں 11 جنگجو ہلاک ہوگئے۔

یہ بھی پڑھیں: شہزاد اکبر نے پی ٹی آئی دورحکومت میں فارن پالیسی کی ناکامی کا اعتراف کرلیا

پولیس کا بیان

بھارتی میڈیا کے مطابق پولیس کا کہنا ہے کہ مسلح کوکی باغیوں نے پولیس سٹیشن پر دو اطراف سے حملہ کیا تھا۔ پولیس سٹیشن کے ساتھ ہی مخالف قبیلے کے بے گھر افراد ایک ریلیف کیمپ میں مقیم تھے۔ پولیس ترجمان کا کہنا ہے کہ حملہ آوروں نے مخالف قبیلے کے پناہ گزین کیمپ کو نشانہ بنانے کی کوشش کی تھی۔

یہ بھی پڑھیں: قصور نے کھیلتا پنجاب گیمز ڈویژن لیول بوائز ہاکی کا ٹائٹل اپنے نام کر لیا۔

پولیس کے اقدام

پولیس اہلکاروں نے پناہ گزینوں کو اپنی جانوں پر کھیل کر بچایا۔ بیان میں مزید کہا گیا ہے کہ سینٹرل ریزرو پولیس فورس کے ساتھ فائرنگ کے تبادلے میں 11 کوکی ہلاک ہوگئے جب کہ ایک سپاہی بھی زخمی ہوا۔ زخمی سپاہی کی حالت خطرے سے باہر بتائی جا رہی ہے۔

یہ بھی پڑھیں: اداکارہ فضا علی قابل اعتراض ویڈیوز بنانے والی ٹک ٹاک سٹار انمول نورکے ساتھ پیش آنے والے واقعات سن کر رو پڑیں

ہتھیار کی برآمدگی

پولیس نے حملہ آوروں سے جو ہتھیار برآمد کرنے کا دعویٰ کیا ہے ان میں راکٹ سے چلنے والے گرینیڈ (RPGs) اور اے کے سیریز کی اسالٹ رائفلیں شامل ہیں۔

یہ بھی پڑھیں: اندرون لاہور میں بسنت کیسے منائی گئی، نوجوان کا اینکر کے ساتھ بھی شغل

علاقے کی صورتحال

اس واقعے کے بعد سے علاقے میں صورتحال کشیدہ ہوگئی اور کسی ناخوشگوار واقعے سے نمٹنے کے لیے کرفیو نافذ کر دیا گیا۔

سول سوسائٹی کا موقف

دوسری جانب کوکی سول سوسائٹی گروپوں کا کہنا ہے کہ پولیس کی فائرنگ میں ہلاک ہونے والے "گاؤں کے رضاکار" تھے۔